လီဗာပူးလ်အသင်းဟာ ရာသီအစကို နှေးကွေးစွာစတင်နေပေမယ့် ပရီးမီးယားလိဂ်ချန်ပီယံဆုကို စိန်ခေါ်နိုင်မယ်လို့ ယုံကြည်နေတာဖြစ်ပါတယ်။
လီဗာပူးလ်အသင်းဟာ ပရီးမီးယားလိဂ် ၆ ပွဲကစားအပြီးမှာ ရမှတ် ၉ မှတ်သာ ရယူထားနိုင်တာပါ။သူတို့ဟာ ချန်ပီယံလိဂ်အဖွင့်ပွဲမှာ နာပိုလီအသင်းကို အရေးနိမ့်ခဲ့ပေမယ့် ဒုတိယပွဲမှာ အေဂျတ်စ်အသင်းကို အနိုင်ရခဲ့တာဖြစ်ပါတယ်။
ကာရေဂါကတော့ လီဗာပူးလ်အသင်းဟာ အေဂျတ်စ်နဲ့ ပွဲမှာ အကောင်းဆုံးဖြစ်ခဲ့ပြီး ဒါဟာ ပရီးမီးယားလိဂ်ချန်ပီယံဆုကို စိန်ခေါ်နိုင်ဖို့ ဖြစ်လာတာလို့ ပြောခဲ့တာပါ။ကာရေဂါက “သူတို့ ပရီးမီးယားလိဂ် ချန်ပီယံဆုကို စိန်ခေါ်နိုင်ဆဲဆိုတာကို သံသယဖြစ်စရာမရှိပါဘူး”
“လီဗာပူးလ်အသင်းဟာ သူတို့ရဲ့အကောင်းဆုံးပုံစံနဲ့မနီးစပ်ခဲ့တဲ့ ၅ ပွဲ ၆ ပွဲရှိခဲ့ပါတယ်။လီဗာပူးလ်အသင်းဟာ လမ်းကြောင်းမှန်ပေါ်ပြန်တက်ဖို့ အတွက်ဆိုရင် စောင့်ကြည့်ဖို့ နောက်ထပ် ၄ ၊ ၅ ပွဲလောက်ကစားရမှာပါ”
“ဒါပေမယ့် သူတို့ရဲ့အကောင်းဆုံးပုံစံကို ပြန်မြင်ရတာ ဝမ်းသာပါတယ်”လို့ ဆိုခဲ့ပါတယ်။လီဗာပူးလ်အသင်းဟာ ဒီတစ်ပတ်မှာ လိဂ်ပွဲစဉ်အဖြစ် ချယ်လ်ဆီးနဲ့ ကစားဖို့ ရှိပေမယ့် ရွှေ့ဆိုင်းခဲ့တာကြောင့် အောက်တိုဘာလမှ ပွဲပြန်ကစားရမှာ ဖြစ်ပါတယ်။