ဘရိုက်တန်အသင်းနည်းပြ ဒီဇာဘီဟာ ရှက်ဖီးယူနိုက်တက်အသင်းနဲ့ ၁ ဂိုးစီသရေကျခဲ့တဲ့ ပရီးမီးယားလိဂ်ပွဲအပြီး ပရီးမီးယားလိဂ်ဒိုင်လူကြီးတွေရဲ့အဆင့်အတန်းကို မေးခွန်းထုတ်လိုက်ပြီး ပြင်းပြင်းထန်ထန်ဝေဖန်သွားခဲ့ပါတယ်။
ဒီဇာဘီဟာ မကြာခဏဆိုသလို ပရီးမီးယားလိဂ်မှာရှိတဲ့ ဒိုင်လူကြီးတွေနဲ့ ထိပ်တိုက်တွေ့ဆုံမှုတွေဖြစ်ခဲ့ပြီး အဝါကတ်ပြသခံနေရတာပါ။ရှက်ဖီးယူနိုက်တက်အသင်းနဲ့ ပွဲမှာလည်း ကွင်းလယ်လူ ဒါဟုဒ်တိုက်ရိုက်အနီကတ်နဲ့ ထုတ်ပယ်ခံရပြီးနောက ဒီဇာဘီဟာ သူ့ရဲ့ခံစားချက်တွေကို မထိန်းချုပ်နိုင်ဘဲ ပွဲအပြီးမှာ ပေါက်ကွဲခဲ့တာဖြစ်ပါတယ်။
ဒီဇာဘီက “အင်္ဂလိပ်ဒိုင်လူကြီး ၈၀ ရာခိုင်နှုန်းကို မကြိုက်ဘူးဆိုတာ ရိုးရိုးလေးနဲ့ ရှင်းရှင်းလေးပဲ ပြောပါရစေ။ကွင်းထဲမှာရှိတဲ့ သူတို့ရဲ့အပြုအမူတွေကိုလည်း မကြိုက်ပါဘူး။အင်္ဂလန်ဟာ VAR ရှိပေမယ့် သူတို့ရဲ့ဆုံးဖြတ်ချက်တောင် မသေချာတဲ့တစ်ခုထဲသောနိုင်ငံပါ”
“တခြားနိုင်ငံမှာဆိုရင် ဒိုင်လူကြီးက ၁၀၀ ရာခိုင်နှုန်းမှန်တယ်ဆိုရင် ဒါက သေချာသွားပါပီ။အင်္ဂလန်မှာတော့ ဒီလိုမဟုတ်ဘူး။အဲ့ဒါကို ကျွန်တော်နားမလည်နိုင်ဘူး”လို့ ဆိုခဲ့ပါတယ်။
ဘရိုက်တန်အသင်းဟာ ရှက်ဖီးနဲ့ သရေကျခဲ့ပြီးနောက် နောက်ဆုံးကစားခဲ့တဲ့ ပရီးမီးယားလိဂ် ၆ ပွဲဆက်တိုက်နိုင်ပွဲပျောက်ဆုံးနေခဲ့တာဖြစ်ပါတယ်။
