ချယ်လ်ဆီးနဲ့ မန်စီးတီးအသင်းတို့ တစ်ဖက် ၄ ဂိုးစီသရေကျခဲ့ပြီးနောက် မန်စီးတီးအသင်းနည်းပြ ဂွာဒီယိုလာဟာ သူ့ရဲ့နည်းပြဘ၀သက်တမ်းအတွင်းမှာ မကြုံစဖူးရလဒ်မျိုးကို တွေ့ကြုံခံစားခဲ့ရတာဖြစ်ပါတယ်။
အပြန်အလှန်သွင်းဂိုးတွေနဲ့ အကြိတ်အနယ်ရှိခဲ့တဲ့ ဒီပွဲမှာ ဂွာဒီယိုလာဟာ သူ့ရဲ့နည်းပြသက်တမ်းအတွင်း ၈၈၂ ပွဲမှာ သူ့အသင်းက ၄ ဂိုးသွင်းပြီး ပြိုင်ဘက်အသင်းကို ၄ ဂိုးပြန်ပေးခဲ့ရတဲ့ ပွဲစဉ်မျိုးကို ပထမဆုံးအကြိမ် ကြုံတွေ့ခဲ့ရတာပါ။အဲ့ဒါကြောင့် ဒီမှတ်တမ်းဟာ ဂွာဒီယိုလာအတွက် မလိုချင်တဲ့ မှတ်တမ်းတစ်ခုလည်းဖြစ်ခဲ့ပါတယ်။
မန်စီးတီးအသင်းဟာ ဒီပွဲမှာ အနိုင်မရခဲ့ပေမယ့် ပရီးမီးယားလိဂ်အမှတ်ပေးဇယားမှာ လီဗာပူးလ်၊အာဆင်နယ်အသင်းတို့ထက် ရမှတ် ၁ မှတ်အသာရပြီး လိဂ်ပြိုင်ပွဲကို ဆက်လက်ဦးဆောင်နေတာပါ။မန်စီးတီးအသင်းဟာ နိုင်ငံတကာပွဲစဉ်အပြီးမှာတော့ လီဗာပူးလ်အသင်းနဲ့ ယှဉ်ပြိုင်ရမှာဖြစ်ပါတယ်။
ချယ်လ်ဆီးအသင်းကတော့ ဒီရာသီမှာ လီဗာပူးလ်၊ အာဆင်နယ်၊ စပါးနဲ့ မန်စီးတီးအသင်းတို့နဲ့ ကစားအပြီးမှာ ရှုံးပွဲလုံး၀မရှိခဲ့ဘဲ ၁ ပွဲနိုင် ၃ ပွဲသရေရလဒ်ထွက်ပေါ်ခဲ့တာဖြစ်ပါတယ်။
