လီဗာပူးလ်နဲ့ မန်စီးတီးအသင်းတို့ ၁ ဂိုးစီသရေကျခဲ့တဲ့ပွဲစဉ်မှာ နာကျင်အချိန်ပိုမှာ လီဗာပူးလ်အသင်းရရှိမယ့် ပင်နယ်တီငြင်းပယ်ခံခဲ့ရတာကြောင့် နည်းပြ ကလောပ့်ဟာ ဒေါသထွက်နေခဲ့တာဖြစ်ပါတယ်။
ဒီပွဲစဉ်ရဲ့နာကျင်အချိန်ပိုမှာ မန်စီးတီးကစားသမား ဒိုကူဟာ လီဗာပူးလ်အသင်းက အယ်လစ္စတာရဲ့ရင်ဘတ်ကို ကန်ကျောက်ခဲ့ပေမယ့် လီဗာပူးလ်အသင်း ပင်နယ်တီရရှိခဲ့ခြင်းမရှိတာပါ။ဒီဖြစ်ရပ်နဲ့ပတ်သက်ပြီး VAR က ပြန်လည်စစ်ဆေးခဲ့ပေမယ့် လီဗာပူးလ်အသင်းဘက်ကို ပင်နယ်တီပေးဖို့ ဆုံးဖြတ်ချက်ကို ပြောင်းခဲ့ခြင်းမရှိတာဖြစ်ပါတယ်။
အဲ့ဒါကြောင့် လီဗာပူးလ်အသင်းဟာ နိုင်ပွဲနဲ့ ဝေးခဲ့ပြီး အဆင့် ၁ နေရာကို အာဆင်နယ်အသင်းထံ ဂိုးကွာခြားချက်နဲ့ ပေးခဲ့ရတာပါ။ကလောပ့်ကတော့ ဒီပင်နယ်တီဟာ သူတို့သေချာပေါက်ရရှိမယ့် ပင်နယ်တီဖြစ်တယ်ဆိုတာ ဘောလုံးနဲ့ပတ်သက်တဲ့သူတိုင်း နားလည်တယ်လို့ မှတ်ချက်ပေးခဲ့ပါတယ်။
ကလော့ပ်က”ဒါက ၁၀၀ ရာခိုင်နှုန်းပင်နယ်တီပါ။တစ်စုံတစ်ဦးက ဘာကြောင့်ပင်နယ်တီမပေးလဲဆိုတာကို လာပြီးရှင်းပြတာ ဒါမှမဟုတ် ဟောင်းဝပ်ဝက်က ဖုန်းဆက်ပြီး တောင်းပန်တာတွေလုပ်လာနိုင်ပါတယ်။ဒီလိုပြစ်ဒဏ်ကျူးလွန်တာက ကွင်းထဲမှာရှိတဲ့ဘယ်နေရာမှာမဆို သေချာပေါက် ပြစ်ဒဏ်ဘောနဲ့ အဝါကတ်ပါပဲ”လို့ ဆိုခဲ့ပါတယ်။