ယူနိုက်တက်အသင်းက အဲဗာတန်အသင်းကို ၂ ဂိုး- ဂိုးမရှိနဲ့အနိုင်ရတဲ့ပွဲမှာ ဒုတိယမြောက်ရရှိတဲ့ ပင်နယ်တီကို အသင်းဖော် ရက်ရှ်ဖိုဒ့်ကို ဘာကြောင့်ပေးကန်ခဲ့လဲဆိုတာကို အသင်းခေါင်းဆောင် ဘရူနိုဖာနန်ဒက်စ်က ပြောလာခဲ့ပါတယ်။
ဘရူနိုဖာနန်ဒက်စ်ဟာ ယူနိုက်တက်အသင်းရဲ့ဦးစားပေးပင်နယ်တီကန်သွင်းတဲ့သူဖြစ်ပြီး ဒီပွဲမှာ ရရှိခဲ့တဲ့ ပထမဆုံးပင်နယ်တီကို သူကိုယ်တိုင်ကန်သွင်းခဲ့တာပါ။အဲ့ဒါကြောင့်လည်း ဘရူနိုဖာနန်ဒက်စ်ဟာ ယူနိုက်တက်အသင်းသမိုင်းမှာ ပင်နယ်တီကနေ ဂိုးသွင်းအများဆုံးကစားသမားအဖြစ် ၂၉ ဂိုးနဲ့ ထိပ်ဆုံးနေရာကနေ ရပ်တည်ခဲ့တာပါ။
ဘရူနိုဖာနန်ဒက်စ်ဟာ ဒီပွဲမှာ ရရှိတဲ့ ဒုတိယမြောက်ပင်နယ်တီကို အသင်းဖော် ရက်ရှ်ဖိုဒ့်ကို ပေးကန်ခဲ့ပြီး ရက်ရှ်ဖိုဒ့်လည်း အကောင်းဆုံးအဆုံးသတ်ခဲ့တာဖြစ်ပါတယ်။ရက်ရှ်ဖိုဒ့်ဟာ ဒီရာသီမှာ သွင်းဂိုးတွေရယူနိုင်ဖို့ ရုန်းကန်နေရတာကြောင့် ဝေဖန်ခံနေရပေမယ့် နောက်ဆုံး ၂ ပွဲဆက်တိုက်အသင်းအတွက် ဂိုးသွင်းယူနိုင်ခဲ့တာပါ။
ဘရူနိုဖာနန်ဒက်စ်က”မားကပ်စ်ကို ကန်သွင်းချင်လားလို့ ကျနော်မေးခဲ့ပြီး သူကလည်း ယုံကြည်မှုရှိတယ်လို့ ပြောခဲ့ပါတယ်။သူဟာ နည်းပြက ရွေးချယ်ပေးထားတဲ့ ပင်နယ်တီကန်သွင်းသူတွေထဲက တစ်ဦးပါ။ကျနော်ဟာ ပထမဂိုးကန်သွင်းပြီးပြီဖြစ်လို့ မားကပ်စ်ကလည်း ပင်နယ်တီကနေ သူ့ရဲ့သွင်းဂိုးကို ရယူနိုင်ခဲ့ပါတယ်”လို့ ဆိုခဲ့ပါတယ်။
