လီဗာပူးလ်နဲ့ မန်စီးတီးအသင်းတို့ဟာ ဒီတစ်ပရီးမီးယားလိဂ်ပွဲကြီးပွဲကောင်းအဖြစ် ထိပ်တိုက်တွေ့ဆုံကြရမှာဖြစ်ပြီး ဒီပွဲမတိုင်ခင်မှာ အဓိက ကစားသမားတွေဖြစ်တဲ့ လီဗာပူးလ်နောက်ခံလူ အာနိုးလ်နဲ့ ဟာလန်းတို့က အပြန်အလှန်စကားစစ်ထိုးနေကြတာဖြစ်ပါတယ်။
ဒီပွဲဟာ ၂ သင်းစလုံးအတွက် အရေးပါတဲ့ပွဲစဉ်ဖြစ်ပြီး လီဗာပူးလ်အသင်းသာ အနိုင်ရခဲ့ရင် အမှတ်ပေးဇယားထိပ်ဆုံးနေရာမှာ ဆက်လက်ရပ်တည်မှာဖြစ်ပြီး မန်စီးတီးအသင်းက အဆင့် ၁ နေရာကို တက်နိုင်မှာပါ။အဲ့ဒါကြောင့် အကြိတ်အနယ်ရှိမယ့်ပွဲမတိုင်ခင်မှာ စကားစစ်ထိုးမှုတွေကလည်း ပရိသတ်တွေကို ဆွဲဆောင်နေတာဖြစ်ပါတယ်။
အာနိုးလ်က”မန်စီးတီးအသင်းက ကျနော်တို့ထက် ဆုဖလားပိုရသလို ပိုအောင်မြင်ခဲ့တယ်ဆိုတာ ဟုတ်ပေမယ့် ဒီ ၂ သင်းရဲ့ဘဏ္ဍာရေးအခြေအနေအရဆိုရင် ကျနော်တို့ရယူနိုင်ခဲ့တဲ့ ဆုဖလားက ကျနော်တို့နဲ့ ကျနော်တို့ရဲ့ပရိသတ်တွေအတွက် ပိုပြီးအဓိပ္ပါယ်ရှိလိမ့်မယ်”လို့ ဆိုခဲ့တာပါ။
ဒါကို ဟာလန်းက “ကျနော်ဒီမှာ တစ်နှစ်ရှိခဲ့ပြီး ဆုဖလား ၃ လုံးရယူနိုင်ခဲ့ပါတယ်။ခံစားချက်က အလွန်ကောင်းပါတယ်။သူက ဒီလိုခံစားချက်အတိအကျကို သိမှာမဟုတ်ပါဘူး။သူအဆင်ပြေတာကို ပြောလို့ရပါတယ်။ကျနော်ကတော့ ဒါကို စိတ်မဝင်စားဘူး”လို့ ဆိုခဲ့တာဖြစ်ပါတယ်။
မန်စီးတီးအသင်းဟာ ဂွာဒီယိုလာကိုင်တွယ်ပြီးကတည်းက ဆုဖလား ၁၄ လုံးရယူနိုင်ခဲ့ပြီး လီဗာပူးလ်အသင်းဟာ ကလော့ပ်လက်ထက်မှာ ဆုဖလား ၇ လုံးရယူနိုင်ခဲ့တာဖြစ်ပါတယ်။
