မန်စီးတီးအသင်းဟာ ကွင်းလယ်ကစားသမား ဘာနာဒိုဆေးလ်ဗားကို ရောင်းချသွားမှာမဟုတ်ဘူးလို့ သူ့ကို ခေါ်ယူဖို့ စိတ်ဝင်စားနေတဲ့ ပီအက်စ်ဂျီနဲ့ ဘာစီလိုနာအသင်းကို ပြောလိုက်ပါတယ်။
မန်စီးတီးအသင်းဟာ ပေါ်တူဂီကွင်းလယ်ကစားသမားကို ရောင်းချသွားမှာမဟုတ်တဲ့အပြင် စာချုပ်သစ်ချုပ်ဆိုဖို့ပါ ပြင်ဆင်နေတယ်လို့ သိရပါတယ်။ပီအက်စ်ဂျီနဲ့ ဘာစီလိုနာအသင်းတို့ဟာ အခုအပြောင်းအရွှေ့မှာ မန်စီးတီးအသင်းနဲ့စာချုပ်သက်တမ်း ၂ နှစ်သာကျန်ရှိတော့တဲ့ ဘာနာဒိုဆေးလ်ဗားကို ခေါ်ယူဖို့ ကြိုးစားနေတာပါ။
မန်စီးတီးအသင်းဟာ သူ့ကို ပြောင်းရွှေ့ကြေးနည်းနည်းနဲ့ လက်မလွှတ်ချင်သလို အလွတ်နဲ့လည်း မဆုံးရှုံးချင်တာကြောင့် စာချုပ်သစ်ချုပ်ဆိုနိုင်ဖို့ လုပ်ဆောင်နေတာဖြစ်ပါတယ်။မန်စီးတီးနည်းပြ ဂွာဒီယိုလာက ဘာနာဒိုဆေးလ်ဗားအပြင် ဝေါလ်ကာကို အသင်းမှာဆက်ထိန်းနိုင်ဖို့ အစွမ်းကုန်ကြိုးစားသွားမယ်လို့ ပြောထားတာပါ။
ဘာနာဒိုဆေးလ်ဗားဟာ မိုနာကိုအသင်းကနေ ရောက်ရှိလာပြီးကတည်းက မန်စီးတီးအသင်းအတွက် ခြေစွမ်းပြသနေပြီး မနှစ်ကရာသီက အသင်းဆုဖလား ၃ လုံးရယူနိုင်ခဲ့တာမှာ အရေးပါတဲ့ ကစားသမားလည်း ဖြစ်ခဲ့ပါတယ်။
မန်စီးတီးအသင်းဟာ ဒီနေ့ညမှာ ကွန်မြူနတီဒိုင်းပွဲစဉ်အဖြစ် အာဆင်နယ်အသင်းနဲ့ ယှဉ်ပြိုင်ရမှာဖြစ်ပါတယ်။
