ယူနိုက်တက်အသင်းဂန္ထဝင် ပေါလ်စခိုးလ်က အသင်းရဲ့ပူးတွဲပိုင်ရှင်သစ် ဆာဂျင်ရက်ကလစ်ဖ်ဟာ နည်းပြ အဲရစ်တန်ဟတ်ကို ဒီရာသီအကုန်မှာ ထုတ်ပယ်ဖို့ ဆုံးဖြတ်ပြီးပြီဆိုတာ ယုံကြည်ကြောင်းပြောခဲ့ပါတယ်။
ယူနိုက်တက်အသင်းဟာ ပြီးခဲ့တဲ့ပွဲစဉ်မှာ မန်စီးတီးအသင်းကို ၃ ဂိုး-၁ ဂိုးနဲ့ အရေးနိမ့်ခဲ့ပြီးနောက် ဒီရာသီ ပရီးမီးယားလိဂ်ပြိုင်ပွဲမှာရှုံးပွဲ ၁၁ ပွဲအထိကြုံတွေ့ခဲ့ပြီးဖြစ်သလို အဆင့် ၄ နေရာက အက်စတွန်ဗီလာအသင်းနဲ့ ၁၁ မှတ်အထိကွာဟနေပြီဖြစ်ပါတယ်။အဲ့ဒါကြောင့် အဲရစ်တန်ဟတ်ဟာ သူ့ရဲ့နည်းပြရာထူးနဲ့ ပတ်သက်ပြီး ဖိအားတွေကြုံတွေ့နေရပြီဖြစ်ပါတယ်။
ပေါလ်စခိုးလ်က”ရက်ကလစ်ဖ်တို့ဟာ နည်းပြရာထူးနဲ့ ပတ်သက်ပြီးဆုံးဖြတ်ပြီးပြီလို့ထင်ပါတယ်။အဲ့ဒါကြောင့် လာမယ့်ရာသီ သူအသင်းမှာဆက်ရှိမယ်လို့မထင်ပါဘူး။အခုအချိန်မှာ ရက်ကလစ်ဖ်တို့ နည်းပြအသစ်ရှာဖွေနေတယ်ဆိုရင် ကျနော်အံ့အားသင့်နေမှာမဟုတ်ပါဘူး။မှန်ကန်တဲ့ဆုံးဖြတ်ချက်လို့ ကျနော်မပြောပေမယ့် တန်ဟတ်အတွက် ဝမ်းနည်းမိပါတယ်”
“ပထမရာသီမှာ သူကောင်းမွန်စွာလုပ်နိုင်ခဲ့သလို ဖလားလည်းရယူပေးနိုင်ခဲ့ပါတယ်။ဘယ်လိုပဲဖြစ်ဖြစ်ပါ ပိုင်ရှင်အသစ်တွေဟာ နည်းပြတွေကို ပြောင်းလဲလေ့ရှိပြီး သူတို့လည်း ဒီလိုလုပ်လိမ့်မယ်လို့ ကျနော်ထင်ကြောင်း”ဆိုခဲ့ပါတယ်။
အဲရစ်တန်ဟတ်ကတော့ ယူနိုက်တက်အသင်းဟာ ချန်ပီယံလိဂ်ဝင်ခွင့်နေရာအတွက် တိုက်ပွဲဝင်နေဆဲဖြစ်တယ်လို့ မန်စီးတီးအသင်းကို အရေးနိမ့်တဲ့ပွဲအပြီးမှာ ပြောခဲ့တာဖြစ်ပါတယ်။
