စပါးအသင်းအသင်းက ပဲလေ့စ်အသင်းကို ၃ ဂိုး-၁ ဂိုးနဲ့ အနိုင်ရခဲ့တဲ့ ပွဲမှာ စပါးအသင်းကစားသမားဘ၀ ပထမဆုံးဂိုးသွင်းယူနိုင်ခဲ့တဲ့ တီမိုဝါနာက သူ့ရဲ့အသင်းဖော်တွေကို ချီးကျူးမှုပြုလုပ်သွားခဲ့ပါတယ်။
ပြီးခဲ့တဲ့ ဇန်နဝါရီက လိုက်ပ်ဇစ်ကနေ ရောက်ရှိလာခဲ့တဲ့ တီမိုဝါနာဟာ စပါးအသင်းအတွက် ပရီးမီးယားလိဂ် ၆ ပွဲကစားအပြီးမှ ပထမဆုံးဂိုးကိုသွင်းယူနိုင်ခဲ့တာပါ။တီမိုဝါနာဟာ ပြီးခဲ့တဲ့ပွဲတွေမှာလည်း စပါးအသင်းအတွက် ခြေစွမ်းပြသနိုင်ခဲ့ပေမယ့် ဂိုးရဖို့ ရုန်းကန်နေခဲ့ရသလို ပဲလေ့စ်အသင်းနဲ့ပွဲမှာလည်း ဂိုးရမယ့် အခွင့်အရေးအချို့ကို လွဲချော်ခဲ့တာဖြစ်ပါတယ်။
တီမိုဝါနာက”အသင်းဖော်တွေက ပထမပိုင်းအပြီးမှာ ကျွန်တော့်အနောက်ကရှိနေခဲ့ပြီး ဆက်သွားသင့်တယ်လို့ပြောခဲ့ပါတယ်။သူတို့က ကျွန်တော့်ကို အားပေးထောက်ခံခဲ့ကြပြီး အကူအညီပေးခဲ့ကြပါတယ်။တစ်ပွဲတည်းမှာ အခွင့်အရေး ၂ ခုကို ဆုံးရှုံးရတာဟာ ကြောက်ဖို့ကောင်းခဲ့ပေမယ့် နောက်ဆုံးမှာဂိုးသွင်းနိုင်ခဲ့လို့ အလွန်ပျော်ရွှင်ပါတယ်”လို့ ဆိုခဲ့ပါတယ်။
စပါးအသင်းဟာ ဒီပွဲမှာ ပဲလေ့စ်အသင်းဘက်ကို ဦးဆောင်ဂိုးပေးခဲ့ရပေမယ့် အနောက်ကနေ လိုက်ပြီး ချေပဂိုးနဲ့ ဦးဆောင်ဂိုးတွေကို သွင်းယူနိုင်ခဲ့တာပါ။စပါးအသင်းဟာ ဒီပွဲအနိုင်ရခဲ့ပေမယ့် ၁ ပွဲလျော့နဲ့ အဆင့် ၅ နေရာမှာဆက်လက်ရပ်တည်နေပြီး အဆင့် ၄ နေရာက ဗီလာအသင်းနဲ့ ၅ မှတ်ကွာဟနေတာဖြစ်ပါတယ်။
