ယူနိုက်တက်အသင်းကနေ ဂီတာဖေးအသင်းထံ အငှားနဲ့ သွားရောက်ကစားနေတဲ့ တိုက်စစ်မှူး ဂရင်းဝုဒ်ဟာ ဂရန်နာဒါအသင်းကို ၂ ဂိုး-ဂိုးမရှိနဲ့အနိုင်ရခဲ့တဲ့ လာလီဂါပွဲစဉ်မှာ အသင်းအတွက် လှပတဲ့သွင်းဂိုး ၁ ဂိုးကို သွင်းယူနိုင်ခဲ့ပါတယ်။
ဂရင်းဝုဒ်ဟာ ဂိုးဧရိယာစည်းထဲကနေ လှပတဲ့ဂိုးကို သွင်းယူခဲ့တာဖြစ်ပြီး ဒီဂိုးဟာ သူ့အတွက် ဒီရာသီ ၄ ဂိုးမြောက်လိဂ်သွင်းဂိုးဖြစ်ခဲ့တာပါ။ဂရင်းဝုဒ်ဟာ ဂိုးသွင်းယူပြီးနောက် ထောင့်ကန်ဘောအလံတိုင်နားကို သွားရောက်ကာ အသင်းပရိသတ်၊အသင်းဖော်တွေနဲ့အတူ အောင်ပွဲခံခဲ့တာဖြစ်ပါတယ်။
ဂရင်းဝုဒ်ဟာ ဂီတာဖေးအသင်းအတွက်ပြိုင်ပွဲစုံပွဲ၂၀ ပါဝင်ကစားထားအပြီးမှာ ၆ ဂိုးသွင်းယူကာ ၄ ဂိုးဖန်တီးထားတာပါ။ဂီတာဖေးအသင်းဟာ ဂရင်းဝုဒ်ကို အငှားစာချုပ်ကုန်ဆုံးချိန်မှာ အပြီးသတ်ခေါ်ယူချင်နေပြီး ယူနိုက်တက်အသင်းကလည်း သူ့ကို ရောင်းချဖို့ဆုံးဖြတ်ထားတာဖြစ်ပါတယ်။
🚨🚨| GOAL: Mason Greenwood gives Getafe the lead
— CentreGoals. (@centregoals) January 29, 2024
Getafe 1-0 Granada
pic.twitter.com/xox9JCqryQ
လက်ရှိအချိန်မှာ ဘာစီလိုနာအသင်းက ဂရင်းဝုဒ်ကို ပေါင်သန်း ၄၀ နဲ့ ခေါ်ယူဖို့ စိတ်ဝင်စားနေပြီး ကစားသမားကလည်း ဘာစီလိုနာအသင်းထံ ပြောင်းရွှေ့ချင်တယ်လို့ သူ့ရဲ့အကြံပေးတွေကို ပြောထားကြောင်း သတင်းတွေထွက်ပေါ်နေတာဖြစ်ပါတယ်။