ရီးရယ်လ်အသင်းနည်းပြ အန်ဆယ်လော့တီက မက်ဒရစ်ဒါဘီပွဲစဉ်မှာ အသလက်တီကိုအသင်းကို ၃ ဂိုး- ၁ ဂိုးနဲ့ အရေးနိမ့်ပြီးနောက် အသလက်တီကိုအသင်းဟာ သူတို့ထက်ပိုပြီးကောင်းခဲ့တယ်လို့ ပြောလိုက်ပါတယ်။
အသလက်တီကိုအသင်းဟာ ရီးရယ်လ်အသင်းကို ပွဲအစပိုင်းမှာတင် ဦးဆောင် ၂ ဂိုးရယူခဲ့တာကြောင့် ရီးရယ်လ်အသင်းဟာ အနောက်ကနေလိုက်ကစားခဲ့ရပြီး ချေပဂိုးတစ်ဂိုးသွင်းယူခဲ့ပေမယ့် အသလက်တီကိုအသင်းက အဆုံးသတ်ဂိုးသွင်းယူခဲ့တာကြောင့် ပွဲပြီးဆုံးသွားခဲ့တာပါ။အသလက်တီကိုအတွက်ဂိုးတွေကို မိုရာတာက ၂ ဂိုးသွင်းယူခဲ့ပြီး ဂရစ်ဇ်မန်းက ၁ ဂိုးသွင်းယူခဲ့ကာ ရီးရယ်လ်အတွက်ချေပဂိုးကို တိုနီကရူးစ်က သွင်းယူခဲ့တာဖြစ်ပါတယ်။
ရီးရယ်လ်အသင်းဟာ လာလီဂါအဖွင့်ပွဲစဉ် ၅ ပွဲစလုံးအနိုင်ရပြီး တာထွက်ကောင်းခဲ့ပေမယ့် အသလက်တီကိုအသင်းနဲ့အတွေ့မှာ ဒီမှတ်တမ်းဟာ ရပ်တန့်သွားခဲ့ရတာပါ။ရီးရယ်လ်အသင်းနည်းပြ အန်ဆယ်လော့တီက ဒီပွဲမှာ သူတို့ဟာ ကောင်းမွန်စွာမကစားနိုင်ခဲ့တာကြောင့် အသလက်တီကိုအသင်းက သူတို့ထက် ပိုပြီးကောင်းခဲ့တယ်လို့ ပြောခဲ့ပါတယ်။
အန်ဆယ်လော့တီက “ကျွန်တော်တို့ ကောင်းမွန်စွာမစတင်နိုင်ခဲ့သလို ခံစစ်ပိုင်းကလည်း မကောင်းခဲ့ပါဘူး။သူတို့ဘက်က ၂ ဂိုးပြတ်နဲ့ ဦးဆောင်နေတဲ့အချိန်မှာတော့ သူတို့လိုချင်တဲ့ပုံစံအတိုင်း ကစားသွားနိုင်ခဲ့ပါတယ်။ဒီပွဲမှာ သူတို့က ကျွန်တော်တို့ထက်ပိုပြီးကောင်းပါတယ်။ဒီရှုံးပွဲက ကျွန်တော့်ရဲ့အမှားတွေကြောင့်ပါ”လို့ ဆိုခဲ့ပါတယ်။
ရီးရယ်လ်အသင်းဟာ ကြားရက်ထဲမှာ လက်စ်ပါးမက်စ်အသင်းနဲ့ လာလီဂါပွဲစဉ်ယှဉ်ပြိုင်ရမှာဖြစ်ပါတယ်။
