ဂရစ်ဇ်မန်းဟာ ဆယ်လ်တာဗီဂိုအသင်းနဲ့ပွဲမှာ ဟတ်ထရစ်ဂိုးသွင်းယူပြီးနောက် စပိန်လာလီဂါပြိုင်ပွဲမှာ သူ့ရဲ့သွင်းဂိုးဟာ ၁၈၁ ဂိုးအထိရှိလာခဲ့ပြီဖြစ်ပါတယ်။
အဲ့ဒါကြောင့် ဂရစ်ဇ်မန်းဟာ အသလက်တီကိုနဲ့ ဘာစီလိုနာတိုက်စစ်မှူးဟောင်း ဆွာရက်ဇ်ရဲ့၁၇၉ ဂိုးကို ကျော်ဖြတ်ပြီး စပိန်လာလီဂါပြိုင်ပွဲရဲ့ဂိုးသွင်းအများဆုံးကစားသမားစာရင်းရဲ့နံပတ် ၁၆ နေရာကို ရောက်ရှိလာခဲ့တာဖြစ်ပါတယ်။ဂရစ်ဇ်မန်းအနေနဲ့ နောက်ထပ် ၆ ဂိုးထပ်ပြီးသွင်းယူနိုင်ခဲ့မယ်ဆိုရင် ဒေးဗစ်ဗီလာ၊ အက်ဒ်မန်ဒိုဆွာရက်ဇ်တို့ကို ကျော်ဖြတ်ပြီး နံပတ် ၁၂ နေရာအထိ တက်နိုင်ဖို့ အခွင့်အရေးရှိနေတာပါ။
လာလီဂါရဲ့ဂိုးသွင်းအများဆုံးထိပ်ဆုံး ၁၀ ဦးမှာရှိနေတဲ့သူတွေကတော့ ဂိုး ၂၀၀ အထက်သွင်းယူထားတာကြောင့် ပြင်သစ်ကစားသမားအနေနဲ့ ဒီအရေအတွက်ကို ရောက်နိုင်မလားဆိုတာတော့ စောင့်ကြည့်ရဦးမှာဖြစ်ပါတယ်။
အသက် ၃၂ နှစ်အရွယ်ရှိ ဂရစ်ဇ်မန်းဟာ ဒီရာသီမှာ အသလက်တီကိုအသင်းအတွက် ၁၁ ပွဲကစားထားအပြီးမှာ ၈ ဂိုးအထိသွင်းယူထားတာဖြစ်ပါတယ်။
