ဂရစ်ဇ်မန်းက အသလက်တီကိုအသင်းနဲ့ ဂီတာဖေးအသင်းတို့ ၃ ဂိုးစီသရေကျခဲ့တဲ့ စပိန်လာလီဂါပွဲစဉ်မှာ ဂရင်းဝုဒ်ကြောင့် သူတို့အသင်းနာကျင်ခဲ့ရတယ်လို့ ပြောလိုက်ပါတယ်။
ဒီပွဲမှာ အသလက်တီကိုအသင်းဟာ ဆာဗစ်ပထမပိုင်းမှာ အနီကတ်နဲ့ ထုတ်ပယ်ခံခဲ့ရပေမယ့် ဂီတာဖေးအသင်းကို ၃ ဂိုး-၁ ဂိုးနဲ့ ဦးဆောင်ထားနိုင်ခဲ့တာပါ။ဒါပေမယ့် ပွဲပြီးကာနီးတွေမှာ ပေးခဲ့ရတဲ့ ချေပဂိုးတွေကြောင့် အသလက်တီကိုအသင်း နိုင်ပွဲနဲ့ ဝေးကွာခဲ့ရတာဖြစ်ပါတယ်။
ဂရင်းဝုဒ်ဟာ ဒီပွဲမှာ ဂိုးမသွင်းယူနိုင်ခဲ့ပေမယ့် သူ့ရဲ့ခြေစွမ်းပြသမှုကို ဂရစ်ဇ်မန်းက ချီးကျူးခဲ့တာပါ။ဂရင်းဝုဒ်ဟာ ဂီတာဖေးအသင်းထံ ရောက်ရှိလာပြီးကတည်းက ပြသခဲ့တဲ့ ခြေစွမ်းတွေကြောင့် အသင်းကြီးတွေရဲ့ပစ်မှတ်အဖြစ် ရှိနေခဲ့တာပါ။
ဂရစ်ဇ်မန်းက “ဒီပွဲမှာ ဂရင်းဝုဒ်ဟာ ကျနော်တို့ကို အများကြီးနာကျင်စေခဲ့ပါတယ်။ကျနော်တို့ သူ့ကို မတားဆီးနိုင်ခဲ့တဲ့အတွက် သွင်းဂိုး ၂ ဂိုးခွင့်ပြုခဲ့ရတယ်”လို့ ဆိုခဲ့တာဖြစ်ပါတယ်။
ဂရင်းဝုဒ်ဟာ ပြီးခဲ့တဲ့ ဆီဗီလာအသင်းနဲ့ ပွဲမှာ ဂီတာဖေးအသင်းအတွက် ၁ ဂိုးသွင်းယူကာ ၁ ဂိုးဖန်တီးနိုင်ခဲ့တာပါ။ဂီတာဖေးအသင်းဟာ ဂရင်းဝုဒ်ကို အပြီးသတ်ခေါ်ယူနိုင်ဖို့အတွက် ယူနိုက်တက်အသင်းနဲ့ ဆွေးနွေးမှုတွေပြုလုပ်ဖို့ စီစဉ်နေတာဖြစ်ပါတယ်။