ပရိသတ်တွေဟာ ဗီလာရီးရယ်လ်နဲ့ ဂီတာဖေးအသင်းတို့ သရေကျခဲ့တဲ့ လာလီဂါပွဲစဉ်မှာ ဂီတာဖေးအသင်းအတွက် ခြေစွမ်းပြသနိုင်ခဲ့တဲ့ တိုက်စစ်ကစားသမား ဂရင်းဝုဒ်ကို ချီးကျူးမှုတွေပြုလုပ်ခဲ့ကြပါတယ်။
ဂရင်းဝုဒ်ဟာ ဒီပွဲမှာ ဂီတာဖေးအသင်းဂိုးသွင်းယူနိုင်အောင် သူ့ရဲ့အားနည်းတဲ့ ညာခြေထောက်နဲ့ ဂိုးဧရိယာထဲ ပို့ပေးခဲ့တာပါ။ဒါ့အပြင် ဂရင်းဝုဒ်ဟာ ဗီလာရီးရယ်လ်ကစားသမားတွေကို လိမ်ခေါက်ဖြတ်ကျော်မှုတွေအကြိမ်ကြိမ်ပြုလုပ်ပြီး ခြေစွမ်းပြသသွားခဲ့တာဖြစ်ပါတယ်။ ဂီတာဖေးအသင်းဟာ ဒီပွဲမှာ နိုင်ပွဲမရခဲ့ပေမယ့် ပရိသတ်တွေဟာ ဂရင်းဝုဒ်ကို ချီးကျူးမှုတွေပြုလုပ်သွားခဲ့တာပါ။
ပရိသတ်တစ်ဦးက ဂရင်းဝုဒ်ဟာ လာလီဂါအတွက်အလွန်ကောင်းလွန်းတယ်လို့ ယုံကြည်ကြောင်း ပြောခဲ့ပြီး နောက်တစ်ဦးက ဂရင်းဝုဒ်က မီးတောက်လိုတောက်လောင်နေပြီလို့ မှတ်ချက်ပြုခဲ့ပါတယ်။နောက်ထပ်တစ်ဦးကလည်း ဂရင်းဝုဒ်ကိုနွေရာသီမှာ ခေါ်ယူမယ့်အသင်းဟာ ကမ္ဘာ့အဆင့်ကစားသမားတစ်ဦးကို ရရှိမှာလို့ ဆိုခဲ့ကြတာဖြစ်ပါတယ်။
ဂရင်းဝုဒ်ဟာ လာမယ့်နွေရာသီမှာ ယူနိုက်တက်အသင်းကနေ အပြီးသတ်ထွက်ခွာဖို့ ရှိနေပြီး အသလက်တီကိုမက်ဒရစ်အသင်းအပါအဝင် အသင်းကြီးတချို့က သူ့ကို စောင့်ကြည့်မှုတွေပြုလုပ်နေကြတာဖြစ်ပါတယ်။