ဘာစီလိုနာအသင်းဟာ ဒီမနက်ကစားခဲ့တဲ့ လာလီဂါပွဲစဉ်မှာ ဗလင်စီယာအသင်းနဲ့ ၁ ဂိုးစီသရေကျသွားခဲ့ပါတယ်။
ဘာစီလိုနာအသင်းဟာ ဒီပွဲမှာ ဂျာအိုဖီးလစ်ရဲ့သွင်းဂိုးနဲ့ ဦးဆောင်နိုင်ခဲ့ပေမယ့် ဂူလာမွန်ရဲ့ချေပဂိုးကြောင့် ၁ ဂိုးစီသရေရလဒ်နဲ့ ပွဲပြီးဆုံးခဲ့တာပါ။ဂျာအိုဖီးလစ်ဟာ နောက်ဆုံး ၄ ပွဲမှာ ဘာစီလိုနာအသင်းအတွက် ၃ ဂိုးသွင်းယူနိုင်ခဲ့ပေမယ့် အသင်းကို နိုင်ပွဲရအောင်တော့ မစွမ်းဆောင်ပေးနိုင်ခဲ့တာဖြစ်ပါတယ်။
ဘာစီလိုနာအသင်းဟာ ဒီပွဲမှာ ဘောလုံးပိုင်ဆိုင်မှုအသာစီး၊ ဂိုးပေါက်ကန်သွင်းမှုနဲ့ ဂိုးပေါက်တည့်မှုတွေမှာ ဗလင်စီယာအသင်းကို အသာရခဲ့ပေမယ့် ဗလင်စီယာအသင်းဂိုးသမား လက်စွမ်းပြသနေတာကြောင့် နိုင်ပွဲနဲ့ ဝေးကွာခဲ့ရတာပါ။ဘာစီလိုနာအသင်းဟာ ဒီပွဲအပါအဝင် ဂျီရိုနာအသင်းနဲ့ လာလီဂါ၊ အန့်ဝပ်နဲ့ ချန်ပီယံလိဂ်ပွဲ ၃ ပွဲဆက်နိုင်ပွဲနဲ့ ဝေးခဲ့ရတာဖြစ်ပါတယ်။
ဘာစီလိုနာအသင်းဟာ လက်ရှိအချိန်မှာ လာလီဂါအမှတ်ပေးဇယားအဆင့် ၃ နေရာမှာရပ်တည်နေပေမယ့် ထိပ်ဆုံးနေရာက ဂျီရိုနာအသင်းထက် ၁ ပွဲပိုကစားထားပြီး ရမှတ် ၆ မှတ်ကွာဟသွားခဲ့တာပါ။ဘာစီလိုနာအသင်းဟာ လာမယ့်ကြားရက်ထဲမှာ လာလီဂါပွဲစဉ်အဖြစ် အယ်လ်မားရီးယားအသင်းနဲ့ ယှဉ်ပြိုင်ရမှာဖြစ်ပါတယ်။