ရီးရယ်လ်အသင်းကွင်းလယ်လူ ဘယ်လင်ဂမ်ဟာ ဗလင်စီယာနဲ့ ရီးရယ်လ်အသင်းတို့ ၂ ဂိုးစီသရေကျခဲ့တဲ့ ပွဲအပြီးမှာ ပြသခံခဲ့ရတဲ့ အနီကတ်ကြောင့် ၂ ပွဲပယ်ပြစ်ဒဏ်ချမှတ်ခံခဲ့ရပါတယ်။
ဘယ်လင်ဂမ်ဟာ ဒီပွဲစဉ်ရဲ့နာကျင်အချိန်ပိုမှာ ရီးရယ်လ်အသင်းအတွက် အနိုင်ဂိုးသွင်းယူခဲ့ပေမယ့် ကွင်းလယ်ဒိုင်လူကြီးက ပွဲသိမ်းခရာမှုတ်ခဲ့တာကြောင့် ကွင်းလယ်ဒိုင်လူကြီးကို အသင်းဖော်တွေနဲ့အတူ စောဒကတက်ခဲ့ရာမှာ တိုက်ရိုက်အနီကတ်ပြသခံခဲ့ရတာပါ။အဲ့ဒါကြောင့် ဘယ်လင်ဂမ်ဟာ လာလီဂါပွဲစဉ်၂ ပွဲကိုလွဲချော်တော့မှာဖြစ်ပါတယ်။
စပိန်ဘောလုံးအဖွဲ့ချုပ်ကတော့ ဘယ်လင်ဂမ်ဟာ ရီးရယ်လ်ကစားသမားတွေနဲ့ နည်းပြ အဖွဲ့ဝင်တွေ ကွင်းလယ်ဒိုင်လူကြီးကို ဝိုင်းဝန်းစောဒကတက်နေချိန်မှာ ကွင်းလယ်ဒိုင်လူကြီးကို မထီမဲ့မြင်ပြုလုပ်ခဲ့တယ်လို့ ပြောထားပါတယ်။ဘယ်လင်ဂမ်ဟာ ဒဏ်ရာကြောင့် ၃ ပတ်ကြာအနားယူပြီး ရီးရယ်လ်အသင်းအတွက် ပထမဆုံးပြန်ကစားတဲ့ပွဲမှာ အနီကတ်ပြသခံခဲ့ရတာပါ။
ဘယ်လင်ဂမ်ဟာ ပွဲပယ်အပြင် ဒဏ်ကြေးငွေ ယူရို ၆၀၀ နဲ့ ရီးရယ်လ်အသင်းက ယူရို ၇၀၀ ပေးရမှာဖြစ်ပါတယ်။ရီးရယ်လ်အသင်းဟာ ဘယ်လင်ဂမ်ရဲ့အနီကတ်ကို အယူခံဝင်ခဲ့ပေမယ့် စပိန်ဘောလုံးအဖွဲ့ချုပ်စည်းကမ်းထိန်းသိမ်းရေးကော်မတီက ပယ်ချခဲ့တာပါ။ဘယ်လင်ဂမ်ဟာ ပွဲပယ်ကြောင့် နိုင်ငံတကာပွဲစဉ်တွေအပြီး ပြန်ကစားမယ့် ဘီလ်ဘာအိုအသင်းနဲ့ပွဲစဉ်မှ ရီးရယ်လ်အသင်းအတွက် ပြန်လည်ပါဝင်နိုင်တော့မှာဖြစ်ပါတယ်။
