ဂရင်းဝုဒ်ဟာ ဘက်တစ်နဲ့ ဂီတာဖေးအသင်းတို့ ၁ ဂိုးစီသရေကျခဲ့တဲ့ စပိန်လာလီဂါပွဲစဉ်မှာ သူ့ရဲ့အားနည်းတဲ့ ညာခြေထောက်နဲ့ ပင်နယ်တီဂိုးသွင်းယူခဲ့တာဖြစ်ပါတယ်။
ဂီတာဖေးအသင်းဟာ ဂရင်းဝုဒ်ရဲ့ပွဲချိန် ၈ မိနစ်မှာသွင်းယူခဲ့တဲ့ ပင်နယ်တီဂိုးနဲ့ ဦးဆောင်ခဲ့ပေမယ့် ပွဲချိန် ၃၅ မိနစ်မှာ အစ္စကိုက ပင်နယ်တီကနေ ဘက်တစ်အသင်းအတွက် ချေပဂိုးပြန်သွင်းခဲ့လို့ ၁ ဂိုးစီသရေရလဒ်နဲ့ ပွဲပြီးဆုံးသွားခဲ့တာဖြစ်ပါတယ်။ဂရင်းဝုဒ်ဟာ ပြီးခဲ့တဲ့နွေရာသီက ယူနိုက်တက်အသင်းကနေ အငှားနဲ့ ရောက်ရှိလာပြီးကတည်းက ဂီတာဖေးအသင်းအတွက် ခြေစွမ်းပြသနေတာပါ။
ဂရင်းဝုဒ်ဟာ သူ့ရဲ့အမှားကြောင့် စပိန်လာလီဂါမှာ ပြိုင်ဘက်အသင်းတွေနဲ့ ပြိုင်ဘက်ကစားသမားအချို့ရဲ့လှောင်ပြောင်မှုတွေ၊ပြောဆိုမှုတွေကို ခံနေရပေမယ့် ဘောလုံးကိုသာ အပြည့်အဝအာရုံစိုက်ထားတာဖြစ်ပါတယ်။ဂရင်းဝုဒ်ဟာ အခုဆိုရင် ဂီတာဖေးအသင်းအတွက် ၂၂ ပွဲကစားအပြီးမှာ ၇ ဂိုးသွင်းယူကာ ၄ ဂိုးဖန်တီးပြီး သူ့ရဲ့အကောင်းဆုံးခြေစွမ်းတွေကို ပြသနေတာပါ။
ဂရင်းဝုဒ်ဟာ ဒီရာသီအကုန်မှာ ယူနိုက်တက်အသင်းထံ ပြန်ရမှာဖြစ်ပေမယ့် ယူနိုက်တက်အသင်းက သူ့ကို ရောင်းချဖို့ စီစဉ်နေပြီး ဂီတာဖေးအသင်းကတော့ အပြီးသတ်ခေါ်ယူဖို့ စိတ်ဝင်စားနေတာဖြစ်ပါတယ်။
