ဝါရင့်နောက်ခံလူ ရာမို့စ်ဟာ ဆီဗီလာအသင်းက ဘီလ်ဘာအိုအသင်းကို ၂ ဂိုး- ဂိုးမရှိနဲ့ အရေးနိမ့်တဲ့ပွဲအပြီး အင်တာဗျူးဖြေဆိုနေချိန်မှာ အသင်းကို အားပေးတဲ့ ပရိသတ်တွေကို ပြန်ပြီးအော်ဟစ်မှုပြုလုပ်သွားခဲ့တာဖြစ်ပါတယ်။
ဒီရာသီမှာ ရလဒ်တွေဆိုးနေတဲ့ ဆီဗီလာအသင်းဟာ ဘီလ်ဘာအိုအသင်းကို အရေးနိမ့်ခဲ့တာကြောင့် လာလီဂါအမှတ်ပေးဇယားအဆင့် ၁၆ နေရာကို ရောက်ရှိသွားခဲ့ပြီး တန်းဆင်းဇုန်နဲ့ ၁ မှတ်သာကွာဟတော့တာပါ။ရာမို့စ်ဟာ ပွဲပြီးဆုံးချိန်မှာ ဆီဗီလာအသင်းပရိသတ်တွေရဲ့အနီးမှာ DAZN နဲ့ အင်တာဗျူးဖြေဆိုခဲ့တာဖြစ်ပါတယ်။
Sevilla have just lost 2-0 to Athletic Club and Sergio Ramos has kicked off at his own fans giving him stick:
— Football Tweet ⚽ (@Football__Tweet) January 4, 2024
🗣️ "Respect and shut up! Go!" pic.twitter.com/O4PKDUAuQc
ဒီအချိန်မှာ ပရိသတ်တွေရဲ့အော်ဟစ်မှုကြောင့် ရာမို့စ်ဟာ ဒေါသထွက်ခဲ့ပြီး အင်တာဗျူးဖြေဆိုတာကနေ လက်ညိုးငေါက်ငေါက်ထိုးကာ ပြန်တုံ့ပြန်ခဲ့တာပါ။ရာမို့စ်က “လေးစားမှုထားပြီး တိတ်တိတ်လေးနေပေးပါ။ရုပ်သံရိုက်ကူးနေတာကို လေးစားပေးပါ။ကျနော်တို့ စကားပြောနေပါတယ်။လူတွေကို လေးစားမှုရှိပါ”လို့ ပရိသတ်တွေကို ပြောခဲ့တာဖြစ်ပါတယ်။
ဆီဗီလာအသင်းဟာ ဒီရာသီမှာ ရလဒ်ဆိုးတွေကြောင့် နည်းပြ ၂ ဦးအပြောင်းအလဲပြုလုပ်ခဲ့ရပြီး လက်ရှိကိုင်တွယ်နေတဲ့ ဖလောရက်ဇ်က ဒီရာသီ အသင်းရဲ့တတိယမြောက်နည်းပြဖြစ်လာခဲ့တာပါ။ဆီဗီလာအသင်းဟာ ပြီးခဲ့တဲ့ချန်ပီယံလိဂ်အုပ်စုအဆင့်မှာ နိုင်ပွဲမရခဲ့ဘဲ ထွက်ခွာခဲ့ရတာဖြစ်ပါတယ်။
