ဒီရာသီမှာ ခြေစွမ်းပြသနေတဲ့ ဂျီရိုနာအသင်းဟာ ဒီမနက်က ကစားခဲ့တဲ့ လာလီဂါပွဲစဉ်မှာ အသလက်တီကိုအသင်းကို ၄ ဂိုး- ၃ ဂိုးနဲ့ အနိုင်ယူခဲ့တာဖြစ်ပါတယ်။
ပွဲကအပြန်အလှန်သွင်းဂိုးတွေနဲ့ အလွန်ကြည့်ကောင်းခဲ့ပြီး ပွဲချိန် ၅၄ မိနစ်အတွင်းမှာ ၃ ဂိုးစီသရေရလဒ်ထွက်ပေါ်နေခဲ့တာပါ။ဒါပေမယ့် ၉၁ မိနစ်မှာ ဂျီရိုနာအသင်းက အဖိုးတန်အနိုင်ဂိုးသွင်းယူသွားခဲ့တာဖြစ်ပါတယ်။ဂျီရိုနာအသင်းအတွက်ဂိုးတွေကို ဖာနန်ဒက်ဇ်၊ဆာဗီယို၊ဘလိုင်းနဲ့ မာတင်တို့က သွင်းယူခဲ့တာပါ။
အသလက်တီကိုအသင်းအတွက်ဂိုးတွေကို မိုရာတာတစ်ဦးတည်းက ၃ ဂိုးစလုံးသွင်းယူခဲ့တာဖြစ်ပါတယ်။ဂျီရိုနာအသင်းဟာ ဒီရာသီမှာ ဘာစီလိုနာအသင်းရော အသလက်တီကိုအသင်းကို သူတို့ရဲ့သမိုင်းမှာ ပထမဆုံးအကြိမ်နိုင်ပွဲရယူနိုင်ခဲ့တာပါ။
ဒီရာသီမှာ ရပ်တန့်လို့မရတဲ့ ဂျီရိုနာအသင်းဟာ စပိန်လာလီဂါပွဲစဉ် ၁၉ ပွဲကစားအပြီးမှာ ထိပ်ဆုံးနေရာက ရီးရယ်လ်အသင်းနဲ့ ရမှတ်တူညီနေပေမယ့် ဂိုးကွာခြားချက်နဲ့ ထိပ်တိုက်တွေ့ဆုံမှုတွေကြောင့် အဆင့် ၂ နေရာမှာ ရပ်တည်နေတာဖြစ်ပါတယ်။