ဂျာအိုဖီးလစ်ဟာ ဘာစီလိုနာအသင်းက အသလက်တီကိုမက်ဒရစ်အသင်းကို ၁ ဂိုး- ဂိုးမရှိနဲ့ အနိုင်ရခဲ့တဲ့ လာလီဂါပွဲစဉ်မှာ ဘာစီလိုနာအသင်းအတွက် အဖိုးတန်အနိုင်ဂိုးကို သွင်းယူပေးခဲ့ပါတယ်။
ပြီးခဲ့တဲ့ နွေရာသီအပြောင်းအရွှေ့က အသလက်တီကိုအသင်းကနေ အငှားနဲ့ ရောက်ရှိလာခဲ့တဲ့ ဂျာအိုဖီးလစ်ဟာ မိခင်ကလပ်နဲ့ ပြန်လည်ရင်ဆိုင်ခဲ့ရတဲ့ဒီပွဲမှာ ခြေစွမ်းပြပြီးဂိုးသွင်းယူနိုင်ခဲ့တာပါ။ဂျာအိုဖီးလစ်အတွက်တော့ ဘာစီလိုနာအသင်းမှာ ကစားချင်တဲ့ သူ့ရဲ့အိပ်မက်တွေပြည့်ခဲ့သလို မိခင်ကလပ်နဲ့ တွေ့တဲ့ပွဲမှာ ဟီးရိုးဖြစ်ခဲ့ပါတယ်။
ဘာစီလိုနာအသင်းဟာ ဂျာအိုဖီးလစ်ကို အပြီးသတ်ခေါ်ယူဖို့ လုပ်ဆောင်နေပေမယ့် အသလက်တီကိုအသင်းကတော့ သူတို့တောင်းဆိုတဲ့ ပြောင်းရွှေ့ကြေးပမာဏ ပေးနိုင်မှသာ အပြောင်းအရွှေ့ဖြစ်မယ်လို့ သတိပေးထားတာပါ။အဲ့ဒါကြောင့် အပြောင်းအရွှေ့ဖြစ်၊မဖြစ်က ရာသီကုန်ပြီးမှသာ သိရှိရဖို့ရှိနေပါတယ်။
ဘာစီလိုနာအသင်းဟာ ဒီနိုင်ပွဲကြောင့် ထိပ်ဆုံးက ရီးရယ်လ်အသင်းနဲ့ ၄ မှတ်အကွာ တတိယနေရာမှာရပ်တည်နေတာဖြစ်ပါတယ်။