ရီးရယ်လ်ကွင်းလယ်လူ ဘယ်လင်ဂမ်ဟာ ဗလင်စီယာနဲ့ ရီးရယ်လ်အသင်းတို့ ၂ ဂိုးစီသရေကျခဲ့တဲ့ ပွဲစဉ်မှာ သူ့ရဲ့နောက်ဆုံးသွင်းဂိုးကို ခွင့်မပြုခဲ့တာကြောင့် ကွင်းလယ်ဒိုင်လူကြီးကို စောဒကတက်ခဲ့ရာမှာ အနီကတ်ပြသခံခဲ့ရပါတယ်။
ဒီပွဲရဲ့နာကျင်အချိန်ပိုနောက်ဆုံးမိနစ်မှာ ဘယ်လင်ဂမ်ဟာ ရီးရယ်လ်အသင်းအတွက် အဖိုးတန်အနိုင်ဂိုးသွင်းယူခဲ့ပေမယ့် ကွင်းလယ်ဒိုင်လူကြီးက သူ့ရဲ့သွင်းဂိုးဖြစ်စေမယ့် ဖြတ်တင်ဘောတင်ကတည်းက ပွဲသိမ်းခရာမှုတ်ခဲ့တာကြောင့် ဒီသွင်းဂိုးကို ခွင့်မပြုခဲ့တာပါ။အဲ့ဒါကြောင့် ရီးရယ်လ်ကစားသမားတွေနဲ့ နည်းပြအဖွဲ့ဝင်တွေဟာ ဝိုင်းဝန်းစောဒကတက်ခဲ့ကြရာမှာ ဘယ်လင်ဂမ်အနီကတ်ပြသခံခဲ့ရတာဖြစ်ပါတယ်။
ဘယ်လင်ဂမ်ဟာ သူ့ကိုစော်ကားတဲ့စကားတွေပြောဆိုခဲ့တာကြောင့် အနီကတ်ပြခဲ့တာလို့ ကွင်းလယ်ဒိုင်လူကြီးက ပွဲအပြီးအစီရင်မှာ ဖော်ပြခဲ့တာပါ။ရီးရယ်လ်အသင်းနည်းပြ အန်ဆယ်လော့တီကတော့ ဘယ်လင်ဂမ်ဟာ ဒီလိုပြောဆိုခဲ့တာမဟုတ်ဘဲ သူ့သွင်းဂိုးအတွက်သာ ပြောခဲ့တာလို့ ပွဲအပြီးမှာဆိုခဲ့ပါတယ်။
ဒဏ်ရာကြောင့် ၃ ပတ်ကြာအနားယူရပြီးမှ ရီးရယ်လ်အသင်းအတွက် ပထမဆုံးပွဲစဉ်အဖြစ် ပြန်လည်ပါဝင်ကစားနိုင်ခဲ့တဲ့ ဘယ်လင်ဂမ်အတွက်တော့ အနီကတ်ကြောင့် ပွဲပယ်ပြစ်ဒဏ်ကျခံရတော့မှာပါ။ရီးရယ်လ်မက်ဒရစ်အသင်းဟာ ဒီပွဲမှာ အနိုင်မရခဲ့တဲ့အတွက် အဆင့် ၂ နေရာက ဂျီရိုနာအသင်းထက် ၁ ပွဲပိုကစားထားပြီး ရမှတ် ၇ မှတ်သာအသာရတော့တာဖြစ်ပါတယ်။