ယူနိုက်တက်အသင်းဟာ ယူရိုပါလိဂ် ၁၆ သင်းအဆင့်ပထမအကျော့ပွဲစဉ်အဖြစ် အိမ်ကွင်းမှာ စပိန်ကလပ် ဘက်တစ်အသင်းနဲ့ ကစားခဲ့ရာမှာ ၄ ဂိုး- ၁ ဂိုးနဲ့ အနိုင်ရရှိခဲ့ပါတယ်။
ယူနိုက်တက်အသင်းဟာ ပြီးခဲ့တဲ့ ပရီးမီးယားလိဂ်ပွဲမှာ လီဗာပူးလ်အသင်းကို ဂိုးပြတ်အရေးနိမ့်ခဲ့တဲ့ လူစာရင်းကို အပြောင်းအလဲမလုပ်ဘဲ ဘက်တစ်အသင်းကို ယှဉ်ပြိုင်ခဲ့တာပါ။ပထမပိုင်းမှာ ၁ ဂိုးစီ သရေကျနေခဲ့ပေမယ့် ဒုတိယပိုင်းမှာ ၃ ဂိုးထပ်သွင်းပြီး ဂိုးပြတ်အနိုင်ရလဒ်ကို ရယူသွားနိုင်ခဲ့တာဖြစ်ပါတယ်။
ယူနိုက်တက်အတွက်ဂိုးတွေကို ရက်ရှ်ဖိုဒ့်၊အန်တိုနီ၊ဘရူနိုဖာနန်ဒက်စ်နဲ့ ဝက်ဂ်ဟော့စ်တို့က သွင်းယူခဲ့ပြီး ဘက်တစ်အတွက်ဂိုးကို ပီရတ်ဇ်က သွင်းယူခဲ့တာပါ။ဝက်ဂ်ဟော့စ်ကတော့ ယူနိုက်တက်ကစားသမားဘ၀ ပထမဆုံးအိုးထရက်ဖိုဒ့်သွင်းဂိုးကို ရယူနိုင်ခဲ့တာလည်းဖြစ်ပါတယ်။
ယူနိုက်တက်အသင်းဟာ ဒီပွဲမှာ ဂိုးကန်သွင်းခွင့်အများအပြားရခဲ့ပြီး အဆုံးသတ်သာသေချာရင် ဒီထက်ပိုပြီး အနိုင်ရလဒ်ပြတ်သားသွားမှာပါ။ဒါပေမယ့် လက်ရှိရလဒ်ကြောင့် ကွာတားဖိုင်နယ်တက်ဖို့ နီးစပ်သွားခဲ့ပါတယ်။
ယူနိုက်တက်အသင်းဟာ လာမယ့်တနင်္ဂနွေနေ့မှာ ပရီးမီးယားလိဂ်ပွဲစဉ်အဖြစ် ဆောက်သမ်တန်အသင်းနဲ့ အိုးထရက်ဖိုဒ့်မှာ ယှဉ်ပြိုင်ရမှာဖြစ်ပါတယ်။
