ရီးရယ်ဘက်တစ်အသင်းကို ကိုင်တွယ်နေတဲ့ မန်စီးတီးအသင်းနည်းပြဟောင်း ပယ်လီဂရီနီက လီဗာပူးလ်က ယူနိုက်တက်အသင်းကို ၇ ဂိုး- ဂိုးမရှိနဲ့ ဂိုးပြတ်အနိုင်ရတာကို သဘောကျတယ်လို့ ယူရိုပါလိဂ်ပွဲမတိုင်ခင်မှာ ပြောလိုက်ပါတယ်။
ယူနိုက်တက်နဲ့ ဘက်တစ်အသင်းတို့ဟာ မနက်ဖြန်မနက်ပိုင်းမှာ ယူရိုပါလိဂ် ၁၆ သင်းအဆင့် ပထမအကျော့အဖြစ် အိုးထရက်ဖိုဒ့်ကွင်းမှာ ယှဉ်ပြိုင်ရမှာဖြစ်ပါတယ်။ပယ်လီဂရီနီဟာ မန်စီးတီးအသင်းကို ၃ နှစ်ကြာကိုင်တွယ်ခဲ့ရာမှာ လိဂ်ဖလား ၂ ကြိမ်နဲ့ ပရီးမီးယားလိဂ်ဖလားကို ရယူနိုင်ခဲ့တာပါ။
ပယ်လီဂရီနီက “ဒီရလဒ်က မယုံနိုင်စရာပါပဲ။ကျွန်တော်တို့ဟာ ရီးရယ်လ်အသင်းနဲ့ ကစားရမှာဖြစ်လို့ ပထမပိုင်း ၄၅ မိနစ်ပဲ ကြည့်ခဲ့ရပါတယ်။ဒါကြောင့် လီဗာပူးလ်က နောက်ထပ် ၆ ဂိုးကို ဘယ်အချိန်တွေမှာ သွင်းနိုင်ခဲ့လဲဆိုတာကို ကျွန်တော်မမြင်တွေ့ခဲ့ရပါဘူး”
“ဒါပေမယ့် ယူနိုက်တက်မှာ ဘာတွေဖြစ်လာမလဲဆိုတာကို ကျွန်တော်ချက်ချင်းနားလည်ခဲ့ပါတယ်။လီဗာပူးလ်နဲ့ ယူနိုက်တက်အကြားပြိုင်ဆိုင်မှုကြောင့် ဂိုးအများအပြားသွင်းယူနိုင်ဖို့ဆိုတာ လွယ်ကူမှာမဟုတ်ပါဘူး။ဒါပေမယ့် ကျွန်တော်က မန်စီးတီးပရိသတ်ပါ။ဒီလိုဖြစ်ခဲ့တဲ့အရာတွေအတွက် စိတ်မကောင်းပါဘူး”လို့ ပြောခဲ့တာဖြစ်ပါတယ်။
ဘက်တစ်အသင်းဟာ ယူရိုပါလိဂ်ပွဲစဉ်မတိုင်ခင် ရီးရယ်လ်အသင်းနဲ့ ကစားခဲ့တဲ့ လာလီဂါပွဲစဉ်မှာ ဂိုးမရှိသရေရလဒ်ထွက်ပေါ်ခဲ့တာဖြစ်ပါတယ်။
