တိုက်စစ်မှူး ဆာလတ်ဟာ လီဗာပူးလ်အသင်းက LASK အသင်းကို ၄ ဂိုး- ဂိုးမရှိနဲ့ အနိုင်ရရှိခဲ့တဲ့ ပွဲစဉ်မှာ ဂိုးသွင်းယူပြီးနောက် လီဗာပူးလ်အသင်းကစားသမားဘ၀ သွင်းဂိုး ၁၉၉ ဂိုးအထိ ရှိလာခဲ့တာဖြစ်ပါတယ်။
၂၀၁၇ က ရိုးမားအသင်းကနေ ရောက်ရှိလာခဲ့တဲ့ ဆာလတ်ဟာ လီဗာပူးလ်အသင်းအတွက် ရာသီတိုင်း အကောင်းဆုံးခြေစွမ်းပြသနေတာဖြစ်ပြီး ပွဲပေါင်း ၃၂၃ ပွဲကစားအပြီးမှာ ၁၉၉ ဂိုးအထိသွင်းယူနိုင်ခဲ့တာပါ။ဆာလတ်ဟာ LASK အသင်းနဲ့ပွဲမှာ လူစားသာလဲမခံရရင် လီဗာပူးလ်ကစားသမားဘ၀ သွင်းဂိုး ၂၀၀ ပြည့်တဲ့ မှတ်တိုင်တစ်ခုကို စိုက်ထူနိုင်တော့မှာဖြစ်ပါတယ်။
အသက် ၃၁ နှစ်အရွယ်ရှိ ဆာလတ်ဟာ အန်ဖီးလ်မှာ ကစားခဲ့တဲ့ နောက်ဆုံး ၁၉ ပွဲမှာ ဂိုး ၂၀ အထိသွင်းယူထားပြီး အိမ်ကွင်းမှာ ဂိုးသွင်းယူရတာကို နှစ်သက်နေတာပါ။ဆာလတ်ဟာ ဒီရာသီမှာ လီဗာပူးလ်အသင်းအတွက် ၁၈ ပွဲကစားထားအပြီးမှာ ၁၂ ဂိုးအထိ သွင်းယူထားတာဖြစ်ပါတယ်။
ဆာလတ်ဟာ LASK အသင်းရဲ့ပွဲအပြီးမှာ LASK ကစားသမားတွေရဲ့ဂျာစီတောင်းဆိုမှုကို ခံခဲ့ရပြီး ပထမတစ်ဦးကို ပေးအပြီးမှာ နောက်တစ်ဦးကိုလည်း အထဲရောက်ရင်ပေးမယ်လို့ ပြောသွားခဲ့တာဖြစ်ပါတယ်။
