အာဆင်နယ်အသင်းနည်းပြ အာတီတာက ကာလရှည်စောင့်ဆိုင်းခဲ့တဲ့ ချန်ပီယံလိဂ်ပြိုင်ပွဲကြီးကို ပြန်အလာမှာ PSV အသင်းကို ၄ ဂိုး- ဂိုးမရှိနဲ့ ဂိုးပြတ်အနိုင်ရပြီးနောက် လှပတဲ့ညတစ်လို့ ပြောသွားခဲ့ပါတယ်။
အာဆင်နယ်အသင်းဟာ ၂၀၁၇ ခုနှစ်နောက်ပိုင်း ၆ နှစ်အကြာမှ ချန်ပီယံလိဂ်ပြိုင်ပွဲကို ပထမဆုံးအကြိမ် ပြန်လည်ယှဉ်ပြိုင်ခဲ့ရတာဖြစ်ပြီး ဂိုးပြတ်အနိုင်ရလဒ်နဲ့ စတင်နိုင်ခဲ့တာပါ။အာဆင်နယ်အသင်းအတွက်ဂိုးတွေကို ဆာကာ၊ ထရိုဆာဒ့်၊ဂျီးဆပ်စ်နဲ့ အော်ဒီဂတ်တို့က သွင်းယူခဲ့တာဖြစ်ပါတယ်။
ဒီရာသီ ပရီးမီးယားလိဂ်မှာ ရလဒ်ကောင်းတွေရနေတဲ့ အာဆင်နယ်အသင်းဟာ ချန်ပီယံလိဂ်ပြိုင်ပွဲမှာလည်း အကောင်းဆုံးပုံစံတွေပြသခဲ့ပေမယ့် အသင်းဟာ ဒီထက်ပိုပြီးကောင်းလာနိုင်တယ်လို့ အာတီတာက ပြောခဲ့ပါတယ်။
အာတီတာက “ဒါဟာ အချိန်အတော်ကြာပြီးမှ လှပတဲ့ညတစ်ညဖြစ်ခဲ့ပါတယ်။ကျွန်တော်တို့ဟာ ပွဲကိုအနိုင်ရဖို့အတွက် မှန်ကန်တဲ့စွမ်းဆောင်ရည်တွေကို ပေးချင်တာပါ။ချန်ပီယံလိဂ်အငွေ့အသက်တွေနဲ့ သီချင်းတွေကို မြင်တွေ့ရတာကလည်း တကယ်ကိုကောင်းပါတယ်”
“ကျွန်တော်ဟာ တကယ်ကိုစိတ်လှုပ်ရှားခဲ့ပြီး အသင်းအနေနဲ့ ဒီထက်အများကြီးပိုကောင်းလာနိုင်တဲ့အရာတွေရှိသေးတယ်”လို့ ပြောခဲ့ပါတယ်။အာဆင်နယ်အသင်းဟာ ဒီတစ်ပတ်ပရီးမီးယားလိဂ်ပွဲစဉ်အဖြစ် စပါးအသင်းနဲ့ လန်ဒန်ဒါဘီပွဲစဉ်ယှဉ်ပြိုင်ရမှာဖြစ်ပါတယ်။
