ပီအက်စ်ဂျီအသင်းနည်းပြ လူးဝစ်အင်းနရစ်က ဒေါ့မွန်အသင်းနဲ့ ချန်ပီယံလိဂ် ပွဲမှာ စွမ်းဆောင်ရည်ကောင်းတွေပြသခဲ့တဲ့ တိုက်စစ်မှူး ဘတ်ပီဟာ ကမ္ဘာ့အကောင်းဆုံးကစားသမားဖြစ်တယ်လို့ ပြောလိုက်ပါတယ်။
ရာသီအစပိုင်းက ပီအက်စ်ဂျီအသင်းနဲ့ တင်းမာမှုတွေရှိခဲ့လို့ အသင်းလူစာရင်းကနေ ချန်လှပ်ခံခဲ့ရတဲ့ ဘတ်ပီဟာ ပီအက်စ်ဂျီအသင်းအတွက် ပြန်လည်ပါဝင်ကစားခွင့်ရတဲ့အချိန်မှာ အကောင်းဆုံးစွမ်းဆောင်ရည်တွေကို ပြသနေခဲ့တာဖြစ်ပါတယ်။ဘတ်ပီဟာ ဒေါ့မွန်အသင်းနဲ့ပွဲမှာ ပီအက်စ်ဂျီအတွက်ဂိုးသွင်းယူပြီးနောက် ချန်ပီယံလိဂ်မှာသွင်းဂိုး ၄၁ ဂိုးအထိရှိသွားခဲ့တာပါ။
ပီအက်စ်ဂျီအသင်းနည်းပြ လူးဝစ်အင်းနရစ်က “ကျွန်တော့်အတွက်တော့ ကိုင်လီယန်ဟာ ကမ္ဘာ့အကောင်းဆုံးကစားသမားပါ။သူရဲ့နည်းစနစ်ပိုင်းအရည်အသွေးတွေထက် ကျွန်တော့်အပေါ်သူ့ရဲ့သက်ရောက်မှုက လူသာအရည်အသွေးပါ။အဝတ်လဲခန်းထဲမှာ သူ့ကိုတွေ့ရတာ ကျွန်တော်ဝမ်းသာပါတယ်။သူက ခေါင်းဆောင်တစ်ဦးဖြစ်ပြီး အမြဲတမ်းပြုံရွှင်နေတာပါ”လို့ ဆိုခဲ့ပါတယ်။
အသက် ၂၄ နှစ်အရွယ်ရှိ ဘတ်ပီဟာ ပီအက်စ်ဂျီအသင်းအတွက် ၅ ပွဲကစားပြီးချိန်မှာ ၈ ဂိုးသွင်းယူထားတာပါ။ပီအက်စ်ဂျီအသင်းဟာ အခုရာသီအကုန်မှာ စာချုပ်ကုန်ဆုံးမယ့် ဘတ်ပီကို စာချုပ်သက်တမ်းတိုးဖို့ ကြိုးစားနေတာဖြစ်ပါတယ်။
