ကစားသမားဘဝက အနားယူသွားခဲ့ပြီဖြစ်တဲ့ ဇလာတန်အီဘရာဟိမိုဗစ်ဟာ နယူးကာဆယ်အသင်းနဲ့ ချန်ပီယံလိဂ်ပွဲစဉ်ကစားမယ့် ပွဲမတိုင်ခင် အေစီမီလန်အသင်းရဲ့လေ့ကျင့်ရေးကွင်းမှာ ရောက်ရှိနေခဲ့တာဖြစ်ပါတယ်။
အေစီမီလန်အသင်းဟာ နောက်ဆုံးကစားခဲ့တဲ့ စီးရီးအေပွဲစဉ်မှာ မြို့ခံပြိုင်ဘက် အင်တာမီလန်အသင်းကို ၅ ဂိုး- ၁ ဂိုးနဲ့ အရှက်တကွဲရှုံးနိမ်ခဲ့တာပါ။အေစီမီလန်အသင်းဟာ နယူးကာဆယ်အသင်းနဲ့ ချန်ပီယံလိဂ်ပွဲစဉ်မှာတော့ ဒီအရှုံးရလဒ်ကို ပြန်ပြီးတုံ့ပြန်နိုင်ဖို့ မျှော်လင့်နေတာဖြစ်ပါတယ်။
Zlatan #Ibrahimovic a colloquio con Stefano Pioli, vigilia di Milan Newcastle pic.twitter.com/WLcHUCq5c5
— Luca Maninetti (@LucaManinetti) September 18, 2023
ဒီပွဲမတိုင်ခင်ပြုလုပ်တဲ့ အေစီမီလန်အသင်းရဲ့လေ့ကျင့်ခန်းအစီအစဉ်မှာ တိုက်စစ်မှူးဟောင်း အီဘရာဟီမိုဗစ်ကို မြင်တွေ့ခဲ့ရတာဖြစ်ပြီး ဝါရင့်ကစားသမားဟောင်းဟာ နည်းပြ ပိုင်အိုလီ၊ လက်ထောက်နည်းပြတို့နဲ့ စကားပြောဆိုမှုတွေပြုလုပ်နေတာပါ။အီဘရာဟီမိုဗစ်ဟာ ပြီးခဲ့တဲ့ ဘောလုံးရာသီက ဆန်စီရိုမှာ ကစားခဲ့တဲ့ ရာသီနောက်ဆုံးပွဲစဉ်မှာ ကစားသမားဘဝက အနားယူပြီလို့ ကြေညာခဲ့တာဖြစ်ပါတယ်။
အေစီမီလန်အသင်းဟာ ပရီးမီးယားလိဂ်ကလပ် နယူးကာဆယ်အသင်းနဲ့ ချန်ပီယံလိဂ်ပွဲမှာတော့ အကောင်းဆုံးရလဒ် ရယူနိုင်ဖို့ မျှော်လင့်ပြီး လေ့ကျင့်ရေးကွင်းမှာပြင်ဆင်မှုတွေပြုလုပ်နေတာဖြစ်ပါတယ်။
