ယူနိုက်တက်အသင်းနည်းပြ အဲရစ်တန်ဟတ်က ဘိုင်ယန်မြူးနစ်အသင်းကို အရေးနိမ့်ခဲ့တဲ့ ချန်ပီယံလိဂ်ပွဲစဉ်မှာ ဒဏ်ရာရရှိသွားခဲ့တဲ့ နောက်ခံလူ မက်ဂွဲယားနဲ့ လုပ်ခ်ရှောတို့ရဲ့အခြေအနေကို ပြောလာခဲ့ပါတယ်။
မက်ဂွဲယားဟာ ပထမပိုင်းမှာ ပေါင်ခြံဒဏ်ရာရရှိခဲ့ပြီး ဆက်ကစားဖို့ ကြိုးစားခဲ့ပေမယ့် အဆင်မပြေတော့တဲ့အတွက် ချက်ချင်းလူစားလဲခဲ့ရတာပါ။လုပ်ခ်ရှောကတော့ ပထမပိုင်းမှာ ပါဝင်ကစားခဲ့ပေမယ့် တံကောက်ကြောသံသယကြောင့် ဒုတိယပိုင်းမှာ လူစားလဲခဲ့ရတာဖြစ်ပါတယ်။ယူနိုက်တက်ကတော့ ဒီပွဲမှာ အရေးနိမ့်ပြီး ဥရောပပြိုင်ပွဲကနေ ထွက်ခွာခဲ့ရပြီဖြစ်တာပါ။
အဲရစ်တန်ဟတ်က “သူတို့ရဲ့ဒဏ်ရာအခြေအနေအတွက် ၂၄ နာရီစောင့်ဆိုင်းရမှာပါ။ပြီးရင်တော့ အကဲဖြတ်မှုနဲ့အတူ ဒဏ်ရာကိုအတိမ်အနက်ကိုသိရမှာပါ။ဒါကြောင့် ကျွန်တော်တို့ စောင့်ဆိုင်းရမှာပါ”လို့ ဆိုခဲ့တာဖြစ်ပါတယ်။
လာမယ့်ပရီးမီးယားလိဂ်ပွဲစဉ်ဖြစ်တဲ့ လီဗာပူးလ်အသင်းနဲ့ ပွဲမတိုင်ခင် မက်ဂွဲယားနဲ့ လုပ်ခ်ရှောရဲ့ဒဏ်ရာဟာ ယူနိုက်တက်အတွက် စိတ်ပျက်စရာဖြစ်ခဲ့ရတာပါ။ယူနိုက်တက်အသင်းဟာ လက်ရှိအချိန်မှာ အဓိက ကစားသမားအများအပြားကို ဒဏ်ရာကြောင့် ဆုံးရှုံးထားရတာဖြစ်ပါတယ်။
