မန်စီးတီးအသင်းနည်းပြ ဂွာဒီယိုလာက အင်တာမီလန်အသင်းကို အနိုင်ရပြီး မန်စီးတီးအသင်းကို ချန်ပီယံလိဂ်ဖလား ပထမဆုံးအကြိမ်ရရှိအောင် ကိုင်တွယ်နိုင်ခဲ့ပြီးနောက် ပြိုင်ပွဲရဲ့အအောင်မြင်ဆုံးအသင်းဖြစ်တဲ့ ရီးရယ်လ်ကို သတိပေးသွားခဲ့တာဖြစ်ပါတယ်။
မန်စီးတီးအသင်းဟာ ချန်ပီယံလိဂ်ဗိုလ်လုပွဲကို ဒုတိယအကြိမ်မြောက်တက်တဲ့ အခုနှစ်မှာ ပထမဆုံးအကြိမ် ချန်ပီယံလိဂ်ဖလားကို ရယူနိုင်ခဲ့တာပါ။အဲ့ဒါကြောင့် မန်စီးတီးအသင်းရဲ့အိပ်မက်တွေ ပြည့်စုံသွားခဲ့ပေမယ့် ဂွာဒီယိုလာကတော့ နောက်ထပ်အောင်မြင်မှုတွေကို ထပ်ပြီးရယူချင်နေတာဖြစ်ပါတယ်။
မန်စီးတီးအသင်းဟာ ချန်ပီယံလိဂ်ဖလားကို ရယူခဲ့ပြီးနောက် တစ်ရာသီအတွင်း ဆုဖလား ၃ လုံးရယူနိုင်တဲ့ အင်္ဂလန်ရဲ့ဒုတိယမြောက်အသင်းဖြစ်လာခဲ့ပါတယ်။မန်စီးတီးအသင်းဟာ ၁၉၉၉ က ယူနိုက်တက်ရဲ့အောင်မြင်မှုကို လိုက်မှီနိုင်ခဲ့တာဖြစ်ပါတယ်။
ဂွာဒီယိုလာကတော့ နောက်ထပ်ချန်ပီယံလိဂ်ဆုဖလားအများအပြားကိုလည်း ထပ်ပြီးရယူချင်နေတယ်လို့ ပြောခဲ့တာပါ။ဂွာဒီယိုလာက”ရီးရယ်လ်မက်ဒရစ်အနေနဲ့သတိထားဖို့လိုပါတယ်။ကျွန်တော်တို့ဟာ ချန်ပီယံလိဂ်ဆုဖလားနဲ့ ၁၃ ကြိမ်ဝေးကွာနေပေမယ့် လမ်းကြောင်းပေါ်မှာရှိနေပါတယ်”
“ရီးရယ်လ်အနေနဲ့ အနည်းငယ်အိပ်ပျော်သွားမယ်ဆိုရင်ကျွန်တော်တို့ အမှီလိုက်မှာပါ”လို့ ပြောခဲ့ပါတယ်။မန်စီးတီးအသင်းဟာ အခုနှစ်ရာသီ ချန်ပီယံလိဂ်ဆီမီးဖိုင်နယ်အဆင့်မှာ ရီးရယ်လ်ကို ကျော်ဖြတ်နိုင်ခဲ့တာဖြစ်ပါတယ်။
