ရီးရယ်လ်အသင်းကွင်းလယ်ကစားသမား တိုနီကရူးစ်က မန်စီးတီးအသင်းနဲ့ ကစားရမယ့် ချန်ပီယံလိဂ်ဆီမီးဖိုင်နယ် ပထမအကျော့ပွဲစဉ်မှာ မန်စီးတီအသင်းက သူတို့ကို ဖျက်ဆီးသွားအောင် လုပ်မယ်ဆိုပြီး ဝိန်းရွန်နီပြောခဲ့တဲ့ အပေါ် တုံ့ပြန်လာခဲ့ပါတယ်။
မန်စီးတီးအသင်းဟာ ပြီးခဲ့တဲ့ရာသီက ဆီမီးဖိုင်နယ်မှာ ရှုံးထားတဲ့ ရှုံးကြွေးကို ဒီတစ်ကြိမ်တွေ့ဆုံမှုမှာ ပြန်ပြီးလက်စားချေနိုင်ဖို့ စိတ်အားထက်သန်နေတာပါ။ဝိန်းရွန်နီကလည်း မန်စီးတီးက ရီးရယ်လ်ကို အနိုင်ယူရုံတင်မဟုတ်ဘူး ဖျက်ဆီးပစ်မှာလို့ ပြောခဲ့တာဖြစ်ပါတယ်။
ဒါနဲ့ပတ်သက်ပြီး တိုနီကရူးစ်က “ရွန်နီက မန်စီးတီးက ကျွန်တော်တို့ ဖျက်ဆီးပစ်မှာလားလို့ပြောခဲ့ပါတယ်။မနှစ်ကရာသီကလည်း ဒီလိုတွေပဲ ပြောကြတာပါပဲ။ပြီးတော့ ကျွန်တော်တို့ ချန်ပီယံလိဂ်ဖလားကိုရယူနိုင်ခဲ့ပါတယ်”
“ဒါက ကျွန်တော်တို့အပေါ် သက်ရောက်မှုမရှိပါဘူး။ကျွန်တော်တို့မှာ လုံလောက်အောင်ကောင်းမွန်တဲ့ စိတ်ဓါတ်တွေရှိပြီးသားပါ”လို့ ပြောခဲ့ပါတယ်။
မန်စီးတီးနည်းပြ ဂွာဒီယိုလာကတော့ ရီးရယ်လ်အသင်းကို လက်စားချေမယ်ဆိုတဲ့ ပုံစံအတိုင်းသွားရင် ကြီးမားတဲ့ အမှားဖြစ်လိမ့်မယ်လို့ ကစားသမားတွေကို သတိပေးထားတာဖြစ်ပါတယ်။