ပေါ်တူဂီဝါရင့်နောက်ခံလူ ပီပီဟာ ပေါ်တိုအသင်းက အန့်ဝပ်အသင်းကို ၂ ဂိုး- ဂိုးမရှိနဲ့ အနိုင်ရခဲ့တဲ့ ချန်ပီယံလိဂ်ပွဲစဉ်မှာ အသင်းအတွက် ဂိုးသွင်းယူပေးပြီးနောက် ချန်ပီယံလိဂ်ပြိုင်ပွဲရဲ့အသက်အကြီးဆုံးဂိုးသွင်းသူအဖြစ် မှတ်တမ်းတင်နိုင်ခဲ့ပါတယ်။
ပီပီဟာ အန့်ဝပ်အသင်းဘက်ကို ဂိုးသွင်းယူတဲ့အချိန်မှာ သူ့ရဲ့အသက်ဟာ ၄၀ နှစ်နဲ့ ၂၅၄ ရက်ရှိနေခဲ့တာဖြစ်ပြီး အရင်က ချန်ပီယံလိဂ်ပြိုင်ပွဲရဲ့အသက်အကြီးဆုံးဂိုးသွင်းသူအဖြစ် စံချိန်တင်ထားတဲ့ တော့တီရဲ့စံချိန်ကို ချိုးဖျက်ပြီး စံချိန်သစ်တင်နိုင်ခဲ့တာဖြစ်ပါတယ်။ပီပီဟာ မကြာသေးခင်ကလည်း ချန်ပီယံလိဂ်ပြိုင်ပွဲရဲ့အသက်အကြီးဆုံးကစားသမား ဂိုးသမားမဟုတ်တဲ့သူအဖြစ်လည်း စံချိန်တင်ထားခဲ့တာပါ။
ပီပီကတော့ ဒီသွင်းဂိုးဟာ သူ့အမေအတွက် မွေးနေ့လက်ဆောင်ပေးတာလို့ ပွဲအပြီးမှာ ပြောခဲ့ပါတယ်။ပီပီက “ဒီနေ့က ကျွန်တော်ရဲ့အမေမွေးနေ့လည်းဖြစ်တဲ့အတွက် အထူးနေ့ပါပဲ။ကျွန်တော်သူမအတွက် ဂိုးသွင်းယူပေးမယ်ဆိုပြီး ပြောခဲ့ပါသေးတယ်”
“ဒီအသက်အရွယ်မှာ ဒီလိုနေရာမှာရှိနေတာကိုက မယုံနိုင်စရာပါပဲ။ဒါက ကြိုးစားမှု၊ အနစ်နာခံမှုနဲ့ ဘောလုံးအပေါ် စိတ်အားထက်သန်မှုပြင်းထန်လို့ပါ။ကျွန်တော်ဟာ ပေါ်တိုအတွက် နေ့တိုင်းအကောင်းဆုံးပေးဆပ်သွားမှာပါ”လို့ ဆိုခဲ့ပါတယ်။
ပေါ်တိုအသင်းဟာ အန့်ဝပ်အသင်းကို အနိုင်ရခဲ့တာကြောင့် အုပ်စုထိပ်ဆုံးနေရာက ဘာစီလိုနာအသင်းနဲ့ ရမှတ်တူ ၉ မှတ်နဲ့ ဒုတိယနေရာမှာ ရပ်တည်နေပါတယ်။
