ဘိုင်ယန်မြူးနစ်အသင်းနည်းပြ တူချယ်လ်ဟာ ဘိုင်ယန်မြူးနစ်အသင်းက လာဇီယိုအသင်းကို ၃ ဂိုး- ဂိုးမရှိနဲ့ အနိုင်ရခဲ့တဲ့ ပွဲစဉ်မတိုင်ခင် အသင်းသားတွေကို စကားပြောရင်း တံခါးကို ကန်ခဲ့မိတာကြောင့် ခြေချောင်းကျိုးသွားခဲ့တယ်လို့ ပြောခဲပါတယ်။
ဘိုင်ယန်မြူးနစ်အသင်းရဲ့ဒီရာသီရလဒ်ဆိုးတွေကြောင့် တူချယ်လ်ဟာ ဒီရာသီအကုန်မှာ အသင်းကနေ ထွက်ခွာတော့မှာဖြစ်ပါတယ်။ဒါပေမယ့် ချန်ပီယံလိဂ် ၁၆ သင်းအဆင့် ဒုတိယအကျော့ပွဲစဉ်မှာ ရလဒ်မကောင်းခဲ့ရင် တူချယ်လ်ဟာ ဘိုင်ယန်မြူးနစ်အသင်းကနေ ထုတ်ပယ်ခံရမှာဖြစ်ပေမယ့် အခုတော့ ကံကောင်းသွားခဲ့တာပါ။
အဲ့ဒါကြောင့်လည်း တူချယ်လ်ဟာ အသင်းကိုအားတက်သရော ပွဲကြိုစကားပြောရင်း ခြေချောင်းကျိုးသွားခဲ့တာဖြစ်ပါတယ်။တူချယ်လ်က”တကယ်ကို နာကျင်နေပါတယ်။ကျွန်တော်ဟာ ပွဲမတိုင်ခင်အသင်းသားတွေကို နောက်ဆုံးစကားပြောရင်း တံခါးကို ကန်ခဲ့မိတာပါ။ဒါက မှားယွင်းတဲ့နည်းစနစ်ပါ။ကျွန်တော်လည်း ခြေချောင်းကျိုးသွားသလို ခံစားနေရပါတယ်”လို့ ပွဲအပြီးအင်တာဗျူးမှာ ပြောခဲ့ပါတယ်။
ဘိုင်ယန်မြူးနစ်အသင်းဟာ ဒီရာသီမှာ ရယူနိုင်ဖို့ မျှော်လင့်စရာတစ်ခုတည်းသော ဆုဖလားအဖြစ် ချန်ပီယံလိဂ်ဖလားသာ ရှိတော့တာကြောင့် ဒီဖလားကို အရယူနိုင်မလားဆိုတာ စောင့်ကြည့်ရမှာလည်း ဖြစ်ပါတယ်။
