ဘိုင်ယန်မြူးနစ်အသင်းက ဒမ်စတက်အသင်းကို ၈ ဂိုး- ဂိုးမရှိနဲ့ ဂိုးပြတ်အနိုင်ရရှိခဲ့တဲ့ဘွန်ဒစ်လီဂါပွဲစဉ်မှာ ဟတ်ထရစ်သွင်းယူနိုင်ခဲ့တဲ့ ဟာရီကိန်းက ဒီပွဲမှာသွင်းယူခဲ့တဲ့ သွင်းဂိုး ၁ ဂိုးဟာ သူ့ရဲ့ပိုကောင်းတဲ့သွင်းဂိုး ၁ ဂိုးလို့ ပြောသွားခဲ့ပါတယ်။
ဟာရီကိန်းဟာ ဒီပွဲမှာ ဘိုင်ယန်မြူးနစ်အသင်းဘက်အခြမ်းကနေ အရှေ့ထွက်နေတဲ့ ဒမ်စတက်ဂိုးသမားကျော်ပြီး လှပတဲ့သွင်းဂိုးကို သွင်းယူနိုင်ခဲ့တာပါ။ဟာရီကိန်းအတွက်တော့ ဒမ်စတက်နဲ့ ပွဲမှာသွင်းယူနိုင်ခဲ့တဲ့ ဟတ်ထရစ်က သူရဲ့ဘိုင်ယန်မြူးနစ်ကစားသမားဘ၀ ဒုတိယမြောက်ဟတ်ထရစ်လည်း ဖြစ်ခဲ့ပါတယ်။
ဟာရီကိန်းက “ဒီဂိုးဟာ ကျွန်တော့်ရဲ့ကစားသမားဘဝမှာ ပိုကောင်းတဲ့သွင်းဂိုး ၁ ဂိုးပါ။ပထမပိုင်းထဲက သူတို့ဂိုးသမား စည်းအပြင်ထွက်နေခဲ့တာကို ကျွန်တော်မြင်တွေ့ခဲ့ရပါတယ်။ကျွန်တော်ဒါကို စောင့်ကြည့်နေခဲ့ပြီး ဒီလိုမျိုးဂိုးသွင်းနိုင်ဖို့အတွက်အနည်းငယ် ကြိုးစားခဲ့ပါတယ်။ဒါပေမယ့် ဒီတစ်ဂိုးကတော့ ပြီးပြည့်စုံခဲ့ပါတယ်”လို့ ဆိုခဲ့ပါတယ်။
အသက် ၃၀ နှစ်အရွယ်ရှိ ဟာရီကိန်းဟာ ဒီရာသီမှာ ဘိုင်ယန်မြူးနစ်အသင်းအတွက် ၁၃ ပွဲပါဝင်ကစားထားပြီး ၁၄ ဂိုးသွင်းယူထားပါတယ်။