ဒေါ့မွန်အသင်းအားပေးသူပရိသတ်တွေဟာ ဒီနေ့ညမှာ ကစားမယ့် မိန့်ဇ်အသင်းနဲ့ ဘွန်ဒစ်လီဂါနောက်ဆုံးပွဲစဉ်အတွက် ပွဲမစခင် ၉ နာရီအလိုမှာကတည်းက စုရုံးခဲ့ကြတာဖြစ်ပါတယ်။
ဒီပွဲဟာ ဒေါ့မွန်အသင်းဟာ နှစ်ပေါင်း ၁၁ နှစ်အကြာမှ ပထမဆုံးအကြိမ် ဆုဖလားရယူနိုင်မယ့် အဆုံးအဖြတ်ပွဲစဉ်ဖြစ်ပါတယ်။ဒေါ့မွန်အသင်းဟာ ဒီပွဲအနိုင်ရခဲ့ရင် ဘွန်ဒစ်လီဂါမှာ ဘိုင်ယန်မြူးနစ်အသင်း ကြီးစိုးတာကို အဆုံးသတ်နိုင်မှာပါ။
ဒေါ့မွန်အသင်းဟာ ဘွန်ဒစ်လီဂါနောက်ဆုံးပွဲမကစားခင်အချိန်မှာ ဒုတိယနေရာက ဘိုင်ယန်မြူးနစ်အသင်းကို ၂ မှတ်အသာရရှိထားတာဖြစ်ပါတယ်။မိန့်ဇ်နဲ့ ပွဲကို အနိုင်ရတာနဲ့ ၁၁ နှစ်ကြာဝေးကွာခဲ့တဲ့ ဘွန်ဒစ်လီဂါဖလားကို ဒေါ့မွန်အသင်း ကိုင်မြှောက်နိုင်တော့မှာပါ။
ပရိသတ်တွေကတော့ အသင်းချန်ပီယံဆုရနိုင်မယ့် အခွင့်အရေးကို ကြည့်ရှုဖို့ အလွန်စိတ်လှုပ်ရှားနေကြတာဖြစ်ပါတယ်။အဲ့ဒါကြောင့် ပရိသတ်တွေဟာ ပွဲမစခင် ၉ နာရီအလိုမှာ လမ်းမတွေပေါ်ထွက်ခဲ့ကြတယ်လို့ ဂျာမန်ကလပ်ရဲ့ တွစ်တာမှာတင်ထားခဲ့ပါတယ်။
ဘိုင်ယန်မြူးနစ်အသင်းကလည်း ဒေါ့မွန်အသင်းရဲ့ အမှားကို စောင့်ရမှာဖြစ်တဲ့အတွက် ဒေါ့မွန်အသင်းအနိုင်ရရှိတာနဲ့ သူတို့ရဲ့ မျှော်လင့်ချက်ပျက်တော့မှာလည်း ဖြစ်ပါတယ်။
