ပီအက်စ်ဂျီအသင်းမှာ ဝေဖန်မှုတွေခံနေရတဲ့ မက်ဆီဟာ လမ်းလျှောက်နေရင်တောင် အားလုံးထက် ဘောလုံးအကြောင်းကို ပိုသိတယ်လို့ ဝေဖန်မှုတွေကနေ ကာကွယ်ပေးခဲ့တာဖြစ်ပါတယ်။
ပီအက်စ်ဂျီအသင်းဟာ အခုနှစ်ရာသီ ချန်ပီယံလိဂ်ပြိုင်ပွဲကနေ ထွက်ခွာရပြီးနောက် မက်ဆီဟာ အသင်းပရိသတ်တွေရဲ့ လှောင်ပြောင်မှုတွေကို ခံခဲ့ရပြီး ကစားသမားက ဒီအခြေအနေကို စိတ်ပျက်နေတာဖြစ်ပါတယ်။မက်ဆီဟာ အသင်းရဲ့အိမ်ကွင်းပွဲတွေမှာ လှောင်ပြောင်မှုတွေကို ခံခဲ့ရတာပါ။
စထရာဘောင်းအသင်းနည်းပြ အန်တိုနက်တီက ပီအက်စ်ဂျီအသင်းနဲ့ ပြုလုပ်တဲ့ ပွဲကြိုသတင်းစာရှင်းလင်းပွဲမှာ မက်ဆီဘက်ကနေ ကာကွယ်ခဲ့တာပါ။ဒီနှစ်သင်းစလုံးဟာ ဒီပွဲမှာ ရမှတ် ၁ မှတ်စီရရှိတာနဲ့ မျှော်လင့်ချက်တွေ အောင်မြင်သွားမှာဖြစ်ပြီး ပီအက်စ်ဂျီက လီဂူးဝမ်းချန်ပီယံနဲ့ စထရာဘောင်းက ဒီလိဂ်မှာဆက်ပြီး ရှင်သန်မှာဖြစ်ပါတယ်။
အန်တိုနက်တီက “မက်ဆီက မစ္စတာဘောလုံးပါ။သူက အနည်းငယ်လမ်းလျှောက်တယ်ဆိုတာတော့ မှန်ပါတယ်။ဒါပေမယ့် လမ်းလျှောက်တာတောင် မက်ဆီဟာ ဘောလုံးကို လူတိုင်းထက် ပိုပြီးနားလည်ပါတယ်”လို့ ပြောခဲ့တာဖြစ်ပါတယ်။
မက်ဆီနဲ့ ပီအက်စ်ဂျီအသင်းတို့ ချုပ်ဆိုထားတဲ့ စာချုပ်ဟာ အခုရာသီအကုန်မှာ ကုန်ဆုံးမှာဖြစ်ပြီး စာချုပ်သစ်လည်း သဘောတူညီမှုမရတာကြောင့် ရာသီအကုန်မှာ ထွက်ခွာတော့မှာဖြစ်ပါတယ်။
