အင်္ဂလန်အသင်းခေါင်းဆောင် ဟာရီကိန်းဟာ ဘိုင်ယန်မြူးနစ်အသင်းနဲ့ လေဗာကူဆင်အသင်းတို့ ၂ ဂိုးစီသရေကျခဲ့တဲ့ပွဲမှာ ဘိုင်ယန်မြူးနစ်အသင်းအတွက်ဂိုးသွင်းပြီး စံချိန်မှတ်တမ်း ၂ ခုကို ပိုင်ဆိုင်သွားခဲ့ပါတယ်။
ပြီးခဲ့တဲ့နွေရာသီအပြောင်းအရွှေ့က စပါးအသင်းကနေ ပြောင်းရွှေ့လာခဲ့တဲ့ ဟာရီကိန်းဟာ ဘိုင်ယန်မြူးနစ်အသင်းအတွက် ခြေစွမ်းပြသနေတာာပါ။ဟာရီကိန်းဟာ လေဗာကူဆင်အသင်းဘက်ကို ဂိုးသွင်းယူနိုင်ခဲ့တာကြောင့် ၂၀၀၇ ခုနှစ်က ကလိုဆေးနောက်ပိုင်း ဘိုင်ယန်မြူးနစ်အသင်းအတွက် ပထမပွဲစဉ် ၄ ပွဲမှာ ၄ ဂိုးသွင်းယူနိုင်ခဲ့တဲ့ ပထမဆုံးကစားသမား ဖြစ်ခဲ့ပါတယ်။
ဒါ့အပြင် ဟာရီကိန်းဟာ ကလပ်ကစားသမားဘ၀ သွင်းဂိုး ၄၀၀ ပြည့်မြောက်သွားခဲ့ပြီလည်း ဖြစ်ပါတယ်။ဟာရီကိန်းဟာ ကလပ်ကစားသမားဘဝသွင်းဂိုး ၃၀၀ မှာ စပါးအသင်းအတွက် ၂၈၀ ဂိုး၊ မီလ်ဝေါအသင်းအတွက် ၉ ဂိုး၊ လေတန်အော်ရီးယန့်အသင်းအတွက် ၅ ဂိုး၊ဘိုင်ယန်မြူးနစ်အသင်းအတွက် ၄ ဂိုးနဲ့ လက်စတာအသင်းအတွက် ၂ ဂိုးသွင်းယူခဲ့တာပါ။
ဘိုင်ယန်မြူးနစ်အသင်းဟာ ဒီပွဲမှာ နိုင်ပွဲပျောက်ခဲ့တဲ့အတွက် လေဗာကူဆင်အသင်းနဲ့အတူ ဘွန်ဒစ်လီဂါမှာ ရာနှုန်းပြည့်နိုင်ပွဲဆက်နေတဲ့ မှတ်တမ်းရပ်တန့်သွားခဲ့တာဖြစ်ပါတယ်။ဘိုင်ယန်မြူးနစ်အသင်းဟာ ကြားရက်ထဲမှာ ချန်ပီယံလိဂ်ပွဲစဉ်အဖြစ် ယူနိုက်တက်အသင်းနဲ့ အိမ်ကွင်းမှာ ယှဉ်ပြိုင်ရမှာဖြစ်ပါတယ်။
