ဘိုင်ယန်မြူးနစ်အသင်းထံ ရောက်ရှိလာခဲ့တဲ့ အင်္ဂလန်အသင်းခေါင်းဆောင် ဟာရီကိန်းက ကစားသမားဘဝကို နောင်တရစရာတွေနဲ့အဆုံးမသတ်ချင်ခဲ့ဘူးလို့ သတင်းစာရှင်းလင်းပွဲမှာ ပြောခဲ့ပါတယ်။
ဟာရီကိန်းဟာ ၁၉ နှစ်ကြာကစားခဲ့တဲ့ စပါးအသင်းကို စွန့်ခွာပြီး ဘိုင်ယန်မြူးနစ်အသင်းထံ ယူရိုသန်း ၁၀၀ ကျော်နဲ့ ရောက်ရှိလာခဲ့ပြီး အသင်းနဲ့ ၄ နှစ်စာချုပ်ချုပ်ဆိုခဲ့ပါတယ်။ဟာရီကိန်းဟာ ဘိုင်ယန်မြူးနစ်ကစားသမားဘ၀ ပွဲဦးထွက်အဖြစ် လိုက်ပ်ဇစ်အသင်းကို အရေးနိမ့်ခဲ့တဲ့ ဂျာမန်စူပါဖလားပွဲစဉ်မှာ ပါဝင်ကစားခဲ့ပါတယ်။
ဟာရီကိန်းက “မတူညီတဲ့လိဂ်တွေနဲ့ ယဉ်ကျေးမှုတွေကို မကြုံတွေ့ရတဲ့အတွက် နောင်တရပြီး ကျွန်တော့်ရဲ့ကစားသမားဘဝကို အဆုံးမသတ်ချင်ပါဘူး။ကျွန်တော့်ရဲ့ကစားသမားဘဝတစ်ခုလုံးကို အင်္ဂလန်နဲ့ ပရီးမီးယားလိဂ်မှာပဲ ကုန်ဆုံးခဲ့တာပါ”
“အဲ့ဒါကြောင့် လိဂ်အသစ်မှာ လိုက်လျောညီထွေဖြစ်အောင်လုပ်ဖို့ အချိန်အနည်းငယ်လိုပါလိမ့်မယ်။မနေ့ကဆို လိုက်ပ်ဇစ်အသင်းနဲ့တွေ့ဆုံခဲ့ပြီး ဒီလိဂ်မှာ အလွန်ကောင်းမွန်တဲ့အသင်းတွေရှိတဲ့အတွက် ဒါဟာ စိန်ခေါ်မှုတစ်ခုဖြစ်လာမှာပါ”လို့ ဆိုခဲ့ပါတယ်။
ဟာရီကိန်းဟာ ဝါဒါဘရီမင်အသင်းနဲ့ ကစားမယ့် ဂျာမန်ဘွန်ဒစ်လီဂါရာသီသစ်အဖွင့်ပွဲစဉ်မှာ ဘိုင်ယန်မြူးနစ်အသင်းအတွက် ပွဲစကတည်းက ပါဝင်ဖွယ်ရှိနေတာဖြစ်ပါတယ်။