စပါးအသင်းကနေ ယူရိုသန်း ၁၀၀ ကျော်နဲ့ ပြောင်းရွှေ့လာခဲ့တဲ့ ဟာရီကိန်းဟာ ဘိုင်ယန်မြူးနစ်အသင်းက လိုက်ပ်ဇစ်အသင်းကို ၃ ဂိုး- ဂိုးမရှိနဲ့ အရေးနိမ့်ခဲ့တဲ့ ဂျာမန်စူပါဖလားပွဲစဉ်မှာ ဂျာမနီကလပ်အတွက် ပွဲဦးထွက်အဖြစ် ပါဝင်ခဲ့ပါတယ်။
ဟာရီကိန်းဟာ ဒီပွဲစဉ်ရဲ့ပွဲချိန် ၆၄ မိနစ်မှာ လူစားဝင်ကစားသမားအဖြစ် ပါဝင်ခဲ့ပြီး ပရိသတ်တွေရဲ့ကြိုဆိုမှုကို ခံခဲ့ရပါတယ်။ဒါပေမယ့် အင်္ဂလန်အသင်းခေါင်းဆောင်ဟာ ဒီပွဲမှာ ဘောလုံးထိချက် ၃ ကြိမ်နဲ့ သက်ရောက်မှုအနည်းငယ်သာ ပြုလုပ်နိုင်ခဲ့ပါတယ်။
လိုက်ပ်ဇစ်အသင်းရဲ့စပိန်လက်ရွေးစင် အိုလ်မိုက အသင်းအတွက် ဟတ်ထရစ်ဂိုးသွင်းယူခဲ့ပြီး ဟာရီကိန်းပထမဆုံးဆုဖလားမရယူနိုင်အောင် တားဆီးနိုင်ခဲ့တာဖြစ်ပါတယ်။ဟာရီကိန်းဟာ အပြောင်းအရွှေ့ပြီးတာနဲ့ အသင်းရဲ့လေ့ကျင့်ခန်းအစီအစဉ်မှာ ပါဝင်ပြီး လူစားဝင်ကစားခဲ့တာကြောင့် ခြေစွမ်းပြသနိုင်ဖို့ ခက်ခဲနေတာပါ။
ဒါပေမယ့် လာမယ့်လေ့ကျင့်ခန်းအစီအစဉ်မှာ ဘိုင်ယန်မြူးနစ်အသင်းနဲ့ အပြည့်အဝပူးပေါင်းပြီးရင်တော့ ဟာရီကိန်းရဲ့အကောင်းဆုံးပုံစံတွေကို မြင်တွေ့ရမှာဖြစ်ပြီး သွင်းဂိုးတွေကလည်း မကြာခင်ရောက်လာမယ်လို့ သုံးသပ်နေကြပါတယ်။
ဘိုင်ယန်မြူးနစ်အသင်းဟာ သြဂုတ် ၁၈ ရက်မှာ ဘွန်ဒစ်လီဂါအဖွင့်ပွဲစဉ်အဖြစ် ဝါဒါဘရီမင်အသင်းနဲ့ ယှဉ်ပြိုင်ရမှာဖြစ်ပြီး ဒီပွဲမှာ ဟာရီကိန်းဟာ ပွဲအစကတည်းက ပါဝင်နိုင်ဖွယ်ရှိနေပါတယ်။
