ဘိုင်ယန်မြူးနစ်အသင်းက ဒေါ့မွန်အသင်းကို ၄ ဂိုး- ဂိုးမရှိနဲ့ အနိုင်ရခဲ့တဲ့ ဘွန်ဒစ်လီဂါပွဲစဉ်မှာ ဟတ်ထရစ်သွင်းယူနိုင်ခဲ့တဲ့ တိုက်စစ်မှူး ဟာရီကိန်းဟာ ဒီရာသီမှာ ဘိုင်ယန်မြူးနစ်အသင်းအတွက် ဟတ်ထရစ်ဂိုးသွင်းယူတာ ၃ ပွဲမြောက်ရှိလာခဲ့ပြီဖြစ်ပါတယ်။
ပြီးခဲ့တဲ့နွေရာသီက ပေါင်သန်း ၁၀၀ နဲ့ စပါးအသင်းကနေ ရောက်ရှိလာခဲ့တဲ့ ဟာရီကိန်းဟာ ဘိုင်ယန်မြူးနစ်အသင်းမှာလည်း သွင်းဂိုးတွေဆက်တိုက်သွင်းယူနေခဲ့တာပါ။ဟာရီကိန်းဟာ ပြီးခဲ့တဲ့အပတ်က ဒမ်စတက်အသင်းနဲ့ ဟတ်ထရစ်သွင်းယူပြီးနောက် ၂ ပတ်ဆက်တိုက်ဟတ်ထရစ်ဂိုးရရှိခဲ့တာဖြစ်ပါတယ်။
အင်္ဂလန်အသင်းခေါင်းဆောင်ဟာ ဘိုင်ယန်မြူးနစ်အသင်းအတွက် လိဂ်ပွဲစဉ် ၁၀ ပွဲသာပါဝင်ကစားရသေးပေမယ့် ဟတ်ထရစ် ၃ ကြိမ်အထိရယူထားခဲ့တာပါ။ဟာရီကိန်းဟာ ဘွန်ဒစ်လီဂါ ၁၀ ပွဲမှာ ၁၅ ဂိုးသွင်းယူနိုင်ခဲ့တာဟာ လိဂ်ပြိုင်ပွဲရဲ့စံချိန်သစ်ဖြစ်ခဲ့ပါတယ်။
အသက် ၃၀ နှစ်အရွယ်ရှိ ဟာရီကိန်းဟာ ဒီရာသီမှာ ဘိုင်ယန်မြူးနစ်အသင်းအတွက် ၁၄ ပွဲပါဝင်ကစားအပြီးမှာ ၁၇ ဂိုးသွင်းယူထားတာပါ။ဘိုင်ယန်မြူးနစ်အသင်းဟာ ဒီနိုင်ပွဲကြောင့် ထိပ်ဆုံးနေရာက လေဗာကူဆင်အသင်းနဲ့ ၂ မှတ်အကွာ အဆင့် ၂ နေရာမှာဆက်လက်ရပ်တည်နေတာဖြစ်ပါတယ်။
