ပီအက်စ်ဂျီအသင်းကို အခုနှစ်ရာသီ လီဂူးဝမ်းပြိုင်ပွဲမှာ ချန်ပီယံဆုရရှိအောင် စွမ်းဆောင်ပေးနိုင်ခဲ့တဲ့ တိုက်စစ်မှူး ဘတ်ပီဟာ လီဂူးဝမ်းပြိုင်ပွဲရဲ့အကောင်းဆုံးကစားသမားဆုကို ရရှိသွားခဲ့ပါတယ်။
ဘတ်ပီဟာ ဒီဆုကို ၄ နှစ်ဆက်တိုက်ရရှိသွားခဲ့တာဖြစ်ပြီး အရင်က အီဘရာဟီမိုဗစ်နဲ့ ၃ ကြိမ်ဆီတူညီနေတဲ့ အနေအထားကနေ အခုအချိန်မှာ ၄ ကြိမ်နဲ့ အများဆုံးရရှိတဲ့ ကစားသမားဖြစ်သွားခဲ့ပါတယ်။ဘတ်ပီဟာ ဒီရာသီမှာ ပီအက်စ်ဂျီအသင်းအတွက် ခြေစွမ်းပြသနေတာဖြစ်ပြီး လီဂူးဝမ်း ၃၃ ပွဲမှာ ၂၈ ဂိုးအထိ သွင်းယူနိုင်ခဲ့တာပါ။
ဒါ့အပြင် ပြင်သစ်တိုက်စစ်မှူးဟာ ပီအက်စ်ဂျီအသင်းအတွက် ပြိုင်ပွဲစုံ ပွဲပေါင်း ၄၂ ပွဲမှာ ဂိုး ၄၀ အထိသွင်းယူနိုင်ခဲ့တာလည်း ဖြစ်ပါတယ်။ဘတ်ပီကတော့ ဆုရယူနိုင်ခဲ့တဲ့အတွက် အသင်းမှာရှိတဲ့ သူတွေအားလုံးကို ကျေးဇူးတင်ကြောင်း ပြောခဲ့တာပါ။
ဘတ်ပီဟာ အခုရာသီအကုန်မှာ ပီအက်စ်ဂျီကနေ ထွက်ခွာသွားနိုင်တယ်လို့ သတင်းတွေထွက်ခဲ့ပေမယ့် လာမယ့်ရာသီ အသင်းမှာဆက်ရှိမယ်လို့လည်း အတည်ပြုသွားခဲ့ပါတယ်။ဘတ်ပီနဲ့ ပီအက်စ်ဂျီတို့ ချုပ်ဆိုထားတဲ့ စာချုပ်ဟာ ၂၀၂၄ မှာ ကုန်ဆုံးမှာဖြစ်ပြီး ၁ နှစ်သက်တမ်းတိုးခွင့်ရှိနေတာ ဖြစ်ပါတယ်။
ဘတ်ပီဟာ ပြင်သစ်လီဂူးဝမ်းပြိုင်ပွဲရဲ့အကောင်းဆုံးအသင်းမှာ အသင်းဖော်တွေဖြစ်တဲ့ မက်ဆီ၊ နူနိုမန်ဒက်စ်၊ ဟာကီမီတို့နဲ့အတူလည်း ပါဝင်ခဲ့တာဖြစ်ပါတယ်။