ပီအက်စ်ဂျီတိုက်စစ်မှူး မက်ဆီဟာ မကြာသေးခင်က ဆော်ဒီခရီးစဉ်ကြောင့် အသင်းရဲ့၂ ပတ်ကြာဆိုင်းငံ့ခြင်းကို ခံခဲ့ရပေမယ့် အခုအချိန်မှာတော့ အသင်းနဲ့အတူ လေ့ကျင့်မှုပြန်လည်ပြုလုပ်ခွင့်ရသွားပါတယ်။
မက်ဆီဟာ ပီအက်စ်ဂျီအသင်းက လော်ရီးယန့်ကို အရေးနိမ့်ပြီးနောက် အသင်းရဲ့ခွင့်ပြုချက်မရဘဲ ဆော်ဒီသွားခဲ့တဲ့အတွက် ၂ ပတ်ကြာဆိုင်းငံ့တဲ့ ပြစ်ဒဏ်ချမှတ်ခံခဲ့ရပြီး အဆိုပါကာလအတွင်းမှာ ရမယ့် လုပ်ခလစာတွေကိုလည်း ဒဏ်ကြေးအဖြစ် သတ်မှတ်ခဲ့ပါတယ်။
ဒါပေမယ့် မက်ဆီဟာ ဒီခရီးစဉ်နဲ့ ပတ်သက်ပြီး အသင်းနဲ့ အသင်းဖော်တွေကို ပြန်လည်တောင်းပန်ခဲ့တာကြောင့် တနင်္လာနေ့မှာ အသင်းနဲ့ လေ့ကျင့်မှုတွေ ပြန်လည်ပြုလုပ်လို့ ရသွားခဲ့ပါတယ်။
မက်ဆီဟာ ပီအက်စ်ဂျီအသင်းက ထရိုယတ်စ်အသင်းကို ၃ ဂိုး- ၁ ဂိုးနဲ့ အနိုင်ရတဲ့ပွဲမှာ ပီအက်စ်ဂျီအတွက် မပါဝင်နိုင်ခဲ့ပေမယ့် လာမယ့် အဂျက်ဆီယိုနဲ့ အိမ်ကွင်းပွဲမှာတော့ အသင်းအတွက် ပြန်လည်ပါဝင်နိုင်ဖွယ်ရှိနေတာပါ။ဒါပေမယ့် မက်ဆီဟာ အသင်းနဲ့ စာချုပ်သက်တမ်းကုန်ဆုံးမယ့် အခုရာသီအကုန်မှာတော့ ပီအက်စ်ဂျီကနေ ထွက်ခွာဖွယ်ရှိနေပါတယ်။
မက်ဆီကို ခေါ်ယူဖို့ ဘာစီလိုနာအပါအဝင်ဆော်ဒီကလပ်အသင်းတွေလည်း ခေါ်ယူဖို့ ချိတ်ဆက်နေပြီး ကစားသမားဘက်က ပြောင်းရွှေ့မယ့်အသင်းကို မဆုံးဖြတ်ရသေးတာဖြစ်ပါတယ်။
