ယူနိုက်တက်အသင်းဟာ ဘယ်နောက်ခံကစားသမားတွေရဲ့ဒဏ်ရာကြောင့် ချယ်လ်ဆီးအသင်းဘယ်နောက်ခံလူ ကူကူရယ်လာကို အငှားနဲ့ ခေါ်ယူဖို့ ဆက်သွယ်ခဲ့တယ်လို့ ဖာဘရီဇီယိုရိုမန်နိုက ဖော်ပြထားပါတယ်။
ယူနိုက်တက်အသင်းရဲ့ဘယ်နောက်ခံကစားသမားတွေဖြစ်တဲ့ လုပ်ခ်ရှောနဲ့ မာလာစီယာတို့ဟာ ဒဏ်ရာကြောင့် အနားယူနေရတဲ့အတွက် ဒီအခြေအနေကို ဖြေရှင်းဖို့ နွေရာသီဈေးကွက်မပိတ်ခင်မှာ ဘယ်နောက်ခံကစားသမားတွေကို ရှာဖွေနေခဲ့တာပါ။ဒီအချိန်မှာ ချယ်လ်ဆီးအသင်းမှာ အပယ်ခံဖြစ်နေတဲ့ ကူကူရယ်လာကို ဆက်သွယ်ခဲ့တာဖြစ်ပါတယ်။
ယူနိုက်တက်အသင်းဟာ ဘယ်နောက်ခံကစားသမားအတွက် ငွေကြေးအများကြီးမသုံးစွဲချင်နေတာကြောင့် အလွတ်နဲ့ရမယ့်သူတွေ၊အငှားနဲ့ ခေါ်ယူလို့ရမယ့် သူတွေကိုသာ စောင့်ကြည့်နေတာဖြစ်ပါတယ်။ဒီအချိန်မှာ ကူကူရယ်လာဟာ ယူနိုက်တက်အသင်းရဲ့ပစ်မှတ် ၃ ဦးထဲက ၁ ဦးအဖြစ်ရှိနေခဲ့တာပါ။
ကူကူရယ်လာဟာ ချယ်လ်ဆီးအသင်းမှာ ပွဲကစားခွင့်မရဖြစ်နေပြီး လန်ဒန်ကလပ်ရဲ့အစီအစဉ်မှာ ပါဝင်ဖွယ်မရှိတာကြောင့် ထွက်ခွာရဖွယ်ရှိနေပါတယ်။ဒါပေမယ့် ယူနိုက်တက်အသင်းဟာ ကူကူရယ်လာအတွက် ချယ်လ်ဆီးအသင်းကို တရားဝင်ကမ်းလှမ်းမှုမပြုလုပ်ရသေးဘူးလို့ သိရပါတယ်။
