အမေရိကန်လက်ရွေးစင်နည်းပြ ဘာဟယ်လ်တာက တူချယ်လ်ကို ထုတ်လိုက်တာဟာ ချယ်လ်ဆီးအသင်းမှာ ပူလီဆစ်အတွက် အပေါင်းလက္ခဏာဆောင်တဲ့ အရာဖြစ်နိုင်တယ်လို့ ပြောလိုက်ပါတယ်။
အမေရိကန်လက်ရွေးစင်ဟာ ဒီရာသီ ပရီးမီးယားလိဂ်ပြိုင်ပွဲမှာ ၁၅၅ မိနစ်သာ အကန့်အသတ်နဲ့ ပါဝင်ကစားခွင့် ရရှိထားတာပါ။ဒါပေမယ့် တူချယ်လ်ကို ထုတ်ပြီး ဂရေဟမ်ပေါ်တာကို ခန့်လိုက်တာကြောင့် ပူလီဆစ်အတွက် အပြောင်းအလဲတွေ ဖြစ်လာနိုင်ပါတယ်။
ဘာဟယ်လ်တာက “နည်းပြရာထူးကနေ တူချယ်လ်ထုတ်ပယ်ခံရတာကို ကျွန်တော်မပျော်ရွှင်ပါဘူး။ဒါပေမယ့် ဒါက ပူလီဆစ်အတွက် အခွင့်အလမ်းတွေ ပိုပြီးများလာတယ်ဆိုရင်တော့ ဒါဟာ အပေါင်းလက္ခဏာဆောင်တာပါပဲ”
“ဘာကြောင့်လဲဆိုရင် သူဟာ ဒီအဆင့်မှာ စွမ်းဆောင်နိုင်တဲ့သူတစ်ယောက်ဆိုတာကို သက်သေပြသနိုင်တဲ့သူတစ်ယောက်မို့ပါ။ဒါကို ကျွန်တော်တို့က စောင့်ပြီးကြည့်ရမှာပါ”လို့ ပြောခဲ့ပါတယ်။
ပူလီဆစ်ဟာ တူချယ်လ်ကိုင်တွယ်ခဲ့တဲ့ ပရီးမီးယားလိဂ် နောက်ဆုံးပွဲဖြစ်တဲ့ ဝက်စ်ဟမ်းနဲ့ ပွဲမှာ ပွဲထွက်ခွင့်ရခဲ့ပေမယ့် ခြေစွမ်းပြသနိုင်ဖို့ ရုန်းကန်ခဲ့ရတာဖြစ်ပါတယ်။
