မာရှယ်ကတော့ မော်ရင်ဟိုဟာ ယူနိုက်တက်မှာ အတူရှိနေချိန်အတွင်း သူ့အပေါ်မှာ လေးစားမှုမရှိဘူးလို့ ပြောလိုက်ပါတယ်။
မာရှယ်ဟာ မော်ရင်ဟိုရောက်လာပြီးချိန် ယူနိုက်တက်အသင်းမှာ နေရာပျောက်ဆုံးခဲ့ပြီး သူ့ရဲ့ကျောနံပတ်ကိုလည်း ဆုံးရှုံးခဲ့သလို ဆန်းချက်စ်ကိုသာ သူ့ရဲ့ဦးစားပေးအဖြစ် ရွေးချယ်ခဲ့တာဖြစ်ပါတယ်။
မာရှယ်က “ဒါဟာ ဂျာစီနံပတ်နဲ့ စတင်ခဲ့တာပါ။အားလပ်ရက်အတွင်းမှာ သူက ကျွန်တော့်ကို ဂျာစီနံပတ် ၁၁ ပြောင်းဝတ်မလား၊ ဒါဟာ ရိုင်ယန်ဂစ်ရဲ့နံပတ်ဖြစ်လို့ အလွန်ကောင်းကြောင်း မက်ဆေ့ပို့ပြီး ပြောပြခဲ့ပါတယ်။ကျွန်တော်ဟာ ဂစ်ကို လေးစားပေမယ့် နံပတ် ၉ တော့ဆက်ပြီးယူချင်တယ်”
“ကလပ်ကို ပြန်သွားတဲ့ အချိန်မှာ နံပတ် ၁၁ ဖြစ်သွားတော့ အဆင်မပြေတော့ပါဘူး။သူက ကျွန်တော့်အပေါ်မှာ လေးစားမှုလုံးဝမရှိပါဘူး။ပြီတော့ ဆန်းချက်စ်ကို ခေါ်ယူပြီးအချိန်မှာ ကျွန်တော်အများကြီး မကစားရတော့ပါဘူး”
“ကမ္ဘာ့ဖလားရာသီလည်းဖြစ်သလို ပြင်သစ်အနိုင်ရတဲ့အချိန်မှာ ကျွန်တော့်အတွက် အများကြီး ထိခိုက်နစ်နာခဲ့ရပါတယ်။ကျွန်တော်အဲ့ဒီမှာ ပါသင့်တာပါ”လို့ ပြောခဲ့ပါတယ်။
မာရှယ်ဟာ ပြီးခဲ့တဲ့ရာသီက ဆီဗီလာအသင်းထံ အငှားချခံခဲ့ရပေမယ့် ဒီရာသီ နည်းပြတန်ဟတ်က သူ့ကို အဓိက ကစားသမားအဖြစ် သတ်မှတ်ထားတာဖြစ်ပါတယ်။