ဆွန်ဟောင်မင်ဟာ ပြီးခဲ့တဲ့ရာသီက လီဗာပူးလ်တိုက်စစ်မှူး ဆာလတ်နဲ့အတူ ပရီးမီးယားလိဂ် ဂိုးသွင်းအများဆုံး ရွှေဖိနပ်ဆုကို ရယူနိုင်ခဲ့တာဖြစ်ပါတယ်။
ဒါပေမယ့် ဆွန်ဟောင်မင်ဟာ ဒီရာသီ ပွဲစဉ်ပေါင်း ၇ ပွဲကစားအပြီးမှာ စပါးအသင်းအတွက် ဂိုးပေါက်ပျောက်ဆုံးနေတာပါ။ဆွန်ဟောင်မင်ဟာ ဂိုးပေါက်ပျောက်ဆုံးနေတဲ့အပေါ်မှာ မစိုးရိမ်ကြောင်းနဲ့ မကြာခင်မှာ ဂိုးရနိုင်မယ်လို့ ယုံကြည်နေတာဖြစ်ပါတယ်။
ဆွန်ဟောင်မင်က ” ကျွန်တော်အဆင်ပြေပါတယ်။ရိုးရိုးသားသားပြောရရင် ပွဲတွေမှာ အခွင့်အရေးမရရင်တော့ စိုးရိမ်မိမှာပါ။ဒါပေမယ့် အခွင့်အရေးရတုန်းပါပဲ။တချို့ပွဲတွေမှာဆို ကံဆိုးတဲ့ အခိုက်အတန့်တွေရှိခဲ့ပါတယ်”
“တချို့ပွဲတွေမှာဆို အဆုံးသတ်ပိုင်း ဆိုးရွားခဲ့ပါတယ်။ဒါက ကျွန်တော့်ကို ပိုပြီးသန်မာလာစေမှာပါ။ဒါက တိုးတက်မှုတစ်ခုလို့ပဲ မြင်ပါတယ်။ဘာဖြစ်လို့လဲဆိုရင် ကျွန်တော့်မှာ တိုးတက်ဖို့ အတွက် နေရာတွေအများကြီးကျန်သေးလို့ပါ”
“အရေးကြီးဆုံးက အသင်းလိုက်ကောင်းမွန်စွာလုပ်နိုင်ဖို့ပါ။ကျွန်တော်ကတော့ အသင်းက လိုအပ်တာမှန်သမျှကို လုပ်မှာပါ။ကျွန်တော့်ကို အသင်း၊ဝန်ထမ်းတွေနဲ့ ပရိသတ်တွေက ကူညီနေတာကြောင့် မစိုးရိမ်ပါဘူး။တစ်ဂိုးသွင်းလိုက်ရင်တော့ ယုံကြည်မှုတွေပြန်ရမယ်ထင်ပါတယ်”
“ပြီးရင်တော့ ဂိုးတွေထပ်ပြီးသွင်းနိုင်ဖို့ ကျွန်တော်မျှော်လင့်ကြောင်း”ပြောခဲ့တာဖြစ်ပါတယ်။