ပရီးမီးယားလိဂ်ကလပ်တွေဟာ ဘုရင်မကြီး အဲလိဇဘတ် II ကွယ်လွန်မှုကြောင့် ဒီတစ်ပတ်ကစားမယ့် အမှတ်ပေးလိဂ်ပွဲစဉ်တွေကို ရွှေ့ဆိုင်းမယ်လို့ ယုံကြည်နေကြတာဖြစ်ပါတယ်။
အသက် ၉၆ နှစ်အရွယ်ရှိ ဘုရင်မကြီးဟာ ဘယ်လ်မိုရယ်လ်ရှိ တော်ဝင်နေအိမ်မှာ ကွယ်လွန်ခဲ့တာလို့ ကြာသပတေးနေ့က ထုတ်ပြန်ခဲ့တာပါ။ဗြိတိန်ဟာ သူတို့သက်တမ်းအရှည်ကြာဆုံး ဘုရင်အတွက် ဝမ်းနည်းခြင်းအထိမ်းအမှတ်ကို ၁၀ ရက်ကြာကျင်းပသွားဖို့ ရှိပါတယ်။
အဲ့ဒါကြောင့် ဒီသတင်းပတ်အကုန်မှာ ကစားဖို့ စီစဉ်နေတဲ့ အားကစားပွဲတွေကို ရွှေ့ဆိုင်းဖို့ စီစဉ်နေတယ်လို့ ဒေးလီးမေးလ်က ဖော်ပြခဲ့တာပါ။EFL ကတော့ ဘန်လေနဲ့ နော်ဝစ်ခ်ျတို့ရဲ့ချန်ပီယံရှစ်၊ ထရန်မီရီနဲ့ စတော့ပို့တ်တို့ရဲ့ပွဲတွေကို ရွှေ့ဆိုင်းခဲ့ပါတယ်။
ပရီးမီးယားလိဂ် အစောဆုံးပွဲစဉ်အဖြစ် စနေနေ့မှာ ဖူလ်ဟမ်နဲ့ ချယ်လ်ဆီးအသင်း ကစားဖို့ ရှိနေပါတယ်။ပရီးမီးယားလိဂ်ကတော့ ဘုရင်မကြီး ကွယ်လွန်မှုကြောင့် ကလပ်အသင်းတွေနဲ့အတူ ဝမ်းနည်းကြောင်း ရေးသားခဲ့တာဖြစ်ပါတယ်။
ဒါပေမယ့် ရွှေ့ဆိုင်းဖို့တော့ အတည်ပြုထားခြင်းမရှိသေးပါဘူး။ပရီးမီးယားလိဂ်အသင်းတွေပါဝင်တဲ့ ဥရောပပွဲစဉ်တွေဖြစ်တဲ့ အာဆင်နယ်၊ ယူနိုက်တက်နဲ့ ဝက်စ်ဟမ်းပွဲတွေမှာ ၁ မိနစ်ကြာငြိမ်သက်မှုတွေ ပြုလုပ်ခဲ့ကြပါတယ်။
