ဝါရင့်နောက်ခံလူ ရာမို့စ်ဟာ ဆိုစီဒက်အသင်းက ဆီဗီလာအသင်းကို ၂ ဂိုး- ၁ ဂိုးနဲ့အနိုင်ရခဲ့တဲ့ လာလီဂါပွဲစဉ်မှာ တိုက်ရိုက်အနီကတ်နဲ့ ထုတ်ပယ်ခံခဲ့ရပါတယ်။
ရာမို့စ်ဟာ ဆိုစီးက်ကစားသမား မန်ဒက်စ်ကို ဖျက်ထုတ်ပုံကြမ်းတမ်းခဲ့တာကြောင့် ကနဦးက ၂ ဝါ ၁ နီနဲ့ ထုတ်ပယ်ခံခဲ့ရပေမယ့် VAR ကြည့်ရှုအပြီးမှာ ကွင်းလယ်ဒိုင်လူကြီးက သူ့ကို တိုက်ရိုက်အနီကတ်နဲ့ ထုတ်ပယ်ခဲ့တာပါ။ဒီအနီကတ်ဟာ ရာမို့စ်ရဲ့ကစားသမားဘ၀ ၂၉ ကြိမ်မြောက်ပြသခံခဲ့ရတဲ့ အနီကတ်လည်း ဖြစ်ခဲ့ပါတယ်။
ရာမို့စ်ဟာ လာလီဂါသမိုင်းမှာ အနီကတ် ၂၁ ကတ်နဲ့ အနီကတ်အများဆုံးပြသခံခဲ့ရတဲ့ ကစားသမားအဖြစ်လည်း စံချိန်မှတ်တမ်းဆိုးကြီး တင်နိုင်ခဲ့တာပါ။အသက် ၃၇ နှစ်အရွယ်ရှိ ရာမို့စ်ဟာ နွေရာသီက အသင်းဟောင်း ဆီဗီလာအသင်းထံ ပြန်ရောက်လာပြီးနောက် ပထမဆုံးပြသခံခဲ့ရတဲ့ အနီကတ်လည်းဖြစ်ခဲ့ပါတယ်။
ဆီဗီလာအသင်းဟာ ဒီရှုံးပွဲကြောင့် ဒီရာသီ လာလီဂါပွဲစဥ် ၁၃ ပွဲကစားပြီးချိန်မှာ ရမှတ် ၁၂ မှတ်နဲ့ အဆင့် ၁၅ နေရာမှာ ရပ်တည်နေတာဖြစ်ပါတယ်။