အိုဆာဆူနာအသင်းကို အနိုင်ရခဲ့တဲ့ပွဲမှာ ရီးရယ်လ်အသင်းအတွက် ၂ ဂိုးသွင်းယူပြီးနောက် စီရော်နယ်ဒိုရဲ့ဂိုးစံချိန်နဲ့ တူညီသွားခဲ့တဲ့ ကွင်းလယ်လူ ဘယ်လင်ဂမ်ကို အံ့အားသင့်တယ်လို့ နည်းပြ အန်ဆယ်လော့တီက ပြောခဲ့ပါတယ်။
ဘယ်လင်ဂမ်ဟာ ရီးရယ်လ်အသင်းကို ရောက်ရှိလာကတည်းက ပွဲတိုင်းနီးပါး အကောင်းဆုံးပုံစံတွေကို ပြသနေတာဖြစ်ပြီး အိုဆာဆူနာအသင်းကို ၄ ဂိုး- ဂိုးမရှိနဲ့ အနိုင်ရခဲ့တဲ့ပွဲမှာ ၂ ဂိုးသွင်းယူပြီးနောက် ရီးရယ်လ်အသင်းကစားသမားဘ၀ ပထမဆုံး ၁၀ ပွဲမှာ သွင်းဂိုး ၁၀ ဂိုးပြည့်သွားခဲ့တာ ဖြစ်ပါတယ်။ အဲ့ဒါကြောင့် ဘယ်လင်ဂမ်ဟာ ၂၀၀၉ က စီရော်နယ်ဒိုရရှိခဲ့တဲ့ မှတ်တမ်းနဲ့ တူညီသွားခဲ့တာပါ။
အန်ဆယ်လော့တီကတော့ ဘယ်လင်ဂမ်ဟာ ဒီလိုသွင်းဂိုးတွေကို အလျင်အမြန်ရရှိမယ်လို့ ဘယ်သူကမှမျှော်လင့်ထားမယ်လို့ မထင်ကြောင်း ပွဲအပြီးသတင်းစာရှင်းလင်းပွဲမှာ ပြောခဲ့ပါတယ်။အန်ဆယ်လော့တီက “သူဟာ ကစားတာအလွန်ကောင်းပြီး သူဟာ ကမ္ဘာပေါ်မှာအကောင်းဆုံးဖြစ်မလား မဖြစ်ဘူးလားဆိုတာကို ကျွန်တော်အရမ်းကြီး ဂရုစိုက်တဲ့သူမဟုတ်ပါဘူး”
“သူ့ကို ခေါ်ယူရတာကို အလွန်ပျော်ရွှင်ပါတယ်။သူဟာ ရင့်ကျက်မှုအများကြီးရှိပြီး သူဟာ အသက် ၂၀ အရွယ်ပဲရှိတယ်ဆိုတာကို အမြဲတမ်းမေ့နေပါတယ်”လို့ ဆိုခဲ့ပါတယ်။ရီးရယ်လ်အသင်းဟာ ဒီရာသီ လာလီဂါ ၉ ပွဲကစားအပြီးမှာ ၈ ပွဲအနိုင်ရရှိကာ အမှတ်ပေးဇယားကို ဦးဆောင်နေတာဖြစ်ပါတယ်။
