ရီးရယ်လ်အသင်းဟာ ဟာဇတ်နဲ့ ချုပ်ဆိုထားတဲ့ စာချုပ်ကို စောစီးစွာအဆုံးသတ်ပြီး ဇွန်လ ၃၀ ရက်မှာ ထွက်ခွာခွင့်ပေးတော့မယ်လို့အတည်ပြုလိုက်ပါတယ်။
ရီးရယ်လ်နဲ့ ဟာဇတ်တို့ ချုပ်ဆိုထားတဲ့ စာချူပ်ဟာ ၂၀၂၄ မှာ ကုန်ဆုံးမှာဖြစ်ပေမယ့် ကစားသမားရဲ့ဒဏ်ရာအခြေအနေတွေ၊ ပွဲကစားခွင့်အခြေအနေတွေပေါ်မှာမူတည်ပြီး စပိန်ကလပ်က စာချူပ်ကို စောစီးစွာအဆုံးသတ်ဖို့ ကစားသမားနဲ့ သဘောတူညီမှုရရှိခဲ့တာဖြစ်ပါတယ်။
၂၀၁၉ က ပေါင် ၈၉ သန်းနဲ့ ချယ်လ်ဆီးကနေ ရောက်ရှိလာခဲ့တဲ့ ဟာဇတ်ဟာ ဒဏ်ရာကြောင့် ပွဲပေါင်း ၇၈ ပွဲအထိ ရီးရယ်လ်အတွက် မပါဝင်နိုင်ခဲ့ဘဲ ပွဲပေါင်း ၇၆ ပွဲသာ အသင်းအတွက် ပါဝင်ကစားနိုင်ခဲ့တာဖြစ်ပါတယ်။ဒါပေမယ့် ဟာဇတ်ဟာ ရီးရယ်လ်အသင်းနဲ့အတူ ချန်ပီယံလိဂ်၊ လာလီဂါအပါအဝင် ဆုဖလားပေါင်း ၈ ခုအထိ ရယူနိုင်ခဲ့တာပါ။
ဒီနေ့မှာ ကစားမယ့် အခုနှစ်ရာသီ လာလီဂါနောက်ဆုံးပွဲစဉ်မှာ ဟာဇတ်ဟာ ရီးရယ်လ်အတွက် နောက်ဆုံးပွဲစဉ်အဖြစ် ပါဝင်ပြီး ပရိသတ်တွေကို နှုတ်ဆက်မှုပြုလုပ်မှာလည်း ဖြစ်ပါတယ်။ရီးရယ်လ်အသင်းဟာ စာချုပ်ကုန်ဆုံးသွားပြီဖြစ်တဲ့ အဆန်စီယိုနဲ့ မာရီယာနိုဒီယတ်ဇ်တို့ကိုလည်း ထွက်ခွာခွင့်ပေးခဲ့တာပါ။
ဆော်ဒီကလပ်တွေရဲ့ကမ်းလှမ်းမှုရရှိထားတဲ့ ဟာဇတ်ဟာ ကစားသမားဘဝကနေ အနားယူသွားနိုင်တယ်လို့ သတင်းတွေမှာ ဖော်ပြထားပါတယ်။