ဂျူဗင်တပ်စ်အသင်းဟာ စပို့တင်းလစ္စဘွန်းအသင်းအိမ်ကွင်းမှာ ကစားခဲ့တဲ့ ယူရိုပါလိဂ်ကွာတားဖိုင်နယ် ဒုတိယအကျော့ပွဲစဉ်မှာ ၁ ဂိုးစီသရေကျပြီးနောက် ဆီမီးဖိုင်နယ်အဆင့်ကို တက်နိုင်ခဲ့ပြီဖြစ်ပါတယ်။
ဒီပွဲမှာ ဂျူဗင်တပ်စ်အတွက် ရာဘီယော့က ဦးဆောင်ဂိုးသွင်းယူပေးခဲ့တာကို စပို့တင်းကစားသမား အက်ဒ်ဝါတ်က ပြန်လည်ချေပနိုင်ခဲ့တာပါ။ပထမအကျော့ ဂျူဗင်တပ်စ်အိမ်ကွင်းမှာ ကစားခဲ့တုန်းက ဂျူဗင်တပ်စ်အသင်းက ၁ ဂိုး- ဂိုးမရှိနဲ့ အနိုင်ရခဲ့တာဖြစ်ပါတယ်။
အဲ့ဒါကြောင့် ဂျူဗင်တပ်စ်အသင်းဟာ နှစ်ကျော့ပေါင်းရလဒ် ၂ ဂိုး- ၁ ဂိုးနဲ့ စပို့တင်းအသင်းကို အနိုင်ရပြီး ယူရိုပါလိဂ်ဆီမီးဖိုင်နယ်ကို တက်နိုင်ခဲ့ပါတယ်။ဂျူဗင်တပ်စ်အသင်းဟာ ဆီမီးဖိုင်နယ်မှာတော့ ယူနိုက်တက်ကို အနိုင်ရခဲ့တဲ့ ဆီဗီလာအသင်းနဲ့ ယှဉ်ပြိုင်ရမှာဖြစ်ပါတယ်။
ဂျူဗင်တပ်စ်အသင်းဟာ ဒီပွဲမတိုင်ခင်ကမှ သူတို့ကို စီးရီးအေပြိုင်ပွဲမှာ ၁၅ မှတ်လျှော့ပြစ်ဒဏ်ချမှတ်ထားတာကို ပြန်ပြောင်းတဲ့ ဆုံးဖြတ်ချက်ချခဲ့လို့ ရမှတ် ၁၅ မှတ်ပြန်ရသွားပြီး စီးရီးအေအမှတ်ပေးဇယား ၃ နေရာကို ပြန်တက်လှမ်းနိုင်ခဲ့တာဖြစ်ပါတယ်။
ပြီးတော့ ယူရိုပါလိဂ်ပြိုင်ပွဲမှာလည်း ဆီမီးဖိုင်နယ်တက်နိုင်ခဲ့လို့ ဂျူဗင်တပ်စ်အတွက် ပြီးပြည့်စုံတဲ့ နေ့ဖြစ်ခဲ့တာဖြစ်ပါတယ်။
